«Barys» hokkeı klýby óz alańyndaǵy kezekti oıynyn «Severstalmen» ótkizedi. Eki komanda da pleı-off kezeńine shyǵý úshin tartysqa túsedi, dep habarlaıdy Egemen.kz.
«Barys» hokkeı klýbynyń baspasóz qyzmeti habarlaǵandaı, qarsylas komanda sońǵy týrda óz alańynda Mınskiniń «Dınamosynan» basym túsip, jeńilis serııasyn úzdi. Qaqpashy Dmıtrıı Shýgaev qaqpaǵa baǵyttalǵan 34 soqqyny qaǵyp aldy.
«Severstal» 54 matchtan 54 upaı jınady. Komandanyń úzdik bombardıri – qorǵaýshy Robın Press. «Barysqa» qarsy oıynǵa bir kún qalǵanda Danııl Pylenkov pen Mıhaıl Tıhonov jaraqat alǵandardyń tizimine enip qaldy.
«Astana Oral týryn jaqsy ótkizdi, múmkin bolatyn alty upaıdan bes upaı jınady. Dúısenbi kúni «Barys» Magnıtogorskide «Metallýrgten» qosymsha ýaqytta jeńilip qaldy (1:2). «Barystyń» 56 kezdesýden keıin 53 upaıy bar», delingen habarlamada.
Turaqty maýsymda «Severstal» men «Barystyń» alǵashqy kezdesýinde Reseı hokkeıshileri 5:2 esebimen jeńiske jetken edi.
«Barys Arenadaǵy» kezdesý elorda ýaqytymen saǵat 19:30-da bastalady. Tikeleı translıasııa Qazsport telearnasynan kórsetiledi.