Aǵashtan, temirden túıin túıgen, júnnen kóz jaýyn alatyndaı buıymdar toqyǵan halyq sheberleriniń isi maqtaýǵa turarlyqtaı óner týyndysy. Osyndaı ónerdi ózine serik etken aqtóbelik qolónershi Venera Jaqsymbaevamen Saǵı Jıenbaev atyndaǵy oblystyq jasóspirimder kitaphanasynda «Ulttyq qolóner – tárbıe kózi» taqyrybynda kezdesý ótti.
V.Jaqsymbaeva – Aqtóbe qalasynyń tiginshiler jáne dızaınerler qaýymdastyǵynyń múshesi, qalalyq jas analar assambleıasy «Quraq kórpe» klýbynyń tóraıymy, ettiń qamyryn jaıatyn sypyranyń jańa túriniń avtory.
Is-shara suhbat túrinde uıymdastyryldy. Qazaqtyń qolóner salasyn nasıhattaý, qol sheberligin arttyryp, jandy jaılandyratyn tiginshilikti jastarǵa úıretý maqsatynda ótkizilgen is-shara barysynda Venera hanym óziniń jasaǵan kórpe-kópshik, qorjyn, qol sómke, sypyra, t.b. buıymdaryn ákelip tanystyrdy. Solardyń arasyndaǵy qorjyndy qyzdaryn qazaqqa bergeli otyrǵan orys otbasy tapsyryspen jasatypty. Bizdiń qolónerimizge basqa etnos ókilderiniń de qyzyǵýshylyq tanytqanyna marqaıyp qaldyq.
Al sypyra bolsa, ol burynnan qazaq halqynda bar qoldanys quraly. Ony Venera hanym zamanǵa saı etip jabdyqtap, nandy pyshaqpen keskende de kesilmeıtin matadan, kitap sekildi ashylatyndaı etip jasaǵan. О́lshemi 75h80, buǵan 4 zýala jaıýǵa bolady. Muny qyz jasaýyna da qosýǵa bolady.
Sonymen qatar qolóner sheberi kórpe-kópshikterdi salyp aparatyn fetr matadan jasalǵan jumsaq sandyqsha da tigedi eken. Ol kórpelerdiń taza ári jınaqy turýy úshin mańyzdy. Suhbat barysynda Venera hanymnyń negizgi mamandyǵy zańger jáne horeograf ekenin bildik. Ol is-sharada bı bılep kópshiliktiń rızashylyǵyna bólendi. Venera hanym qoly bosaı qalsa balalarymen birge sýret te salady eken.
Venera hanymnyń qolónermen shuǵyldanyp júrgenine tórt-bes jyl ǵana bolǵan eken. Osy ýaqyt aralyǵynda kóptegen sheberlik sabaǵyn ótkizip, atalǵan sala boıynsha shákirtter tárbıelep júr.
Is-shara sońynda ismerdiń bizde qonaq bolatynyn estigen Aqtóbe oblystyq Qazaqstan halqy assambleıasy janyndaǵy analar keńesiniń tóraıymy Jumabı- ke Shamshedınqyzy men «Aı Qarakóz» brendiniń negizin qalaýshysy, ustaz Jaınagúl Qaıralapova keshimizge kórermen bolyp qatysyp, sóz sóılep Venera Maratqyzyna óz syılyqtaryn tabystady. Sondaı-aq kitaphana dırektory Gúljaınar Nárenqyzy da óziniń jyly lebizin bildirip ári oıý-órnektiń túrleri jınaqtalǵan ádemi kitap tabystady.
«Armansyz adam, qanatsyz quspen teń» deıdi ǵoı, armanyńyz qandaı?» degen suraǵymyzǵa ol oılanbastan: «Ata-anamdy Mekkege qajylyqqa aparyp kelý», dep jaýap berdi.
Jıyn barysynda kópshilik ata-ananyń razylyǵyna bólenip, ulttyq ónerdi nasıhattap, qundy qazynamyzdy ulyqtap kele jatqan Venera Jaqsymbaevaǵa ystyq yqylastaryn bildirip, isine bereke tiledi.
Gúlnur IHSANǴALIEVA,
Saǵı Jıenbaev atyndaǵy oblystyq jasóspirimder kitaphanasynyń qyzmetkeri
Aqtóbe oblysy