Baspanasyz qalǵan buqara

Ashý qysqan azamattardyń aıtýynsha, Taraz qalasynyń bıligi «úı alǵysy keletinder qurylys kompanııalaryna 5 mıllıon teńgeden jınap berse, baspana máselesi sheshiledi» dep sendirgen eken. Jeme-jemge kelgende halyq ne quıǵan qarajatyna, ne úıge jete almaı qalǵan.

Bes jyl buryn nesıege úı rásimdegen tarazdyq turǵyndar «sheneýnikter bizdi aldap ketti», dep kúıinip otyr. Aıtý­la­rynsha, ákimdiktegi jaýapty qyz­met­kerler «kompanııaǵa qajetti qarajat­ty jı­nasańdar, keıin sol aqsha baspana baǵa­synan shegeriletin bolady» dep sen­dir­gen eken. Alaıda shendilerdiń sózine qulaq asqan halyq «biz aldanyp qaldyq» dep ah uryp otyr.

Derekterge sensek, qurylys kompa­nııa­­sy júzge jeteqabyl úıdi salýǵa nıet­­ten­ge­nimen, onshaqty baspana qa­­­­­lyp ket­ken. Jalpy, qurylystyń bar bol­­ǵany alpys paıyzǵa jýyǵy ǵana aıaqtalǵan kórinedi. Osylaısha, Ybyraıym Súleımenov kóshe­si­niń aıaq tu­­syn­­daǵy alqaptan baspanaly bolýdan úmit­­­tengen jurt áli de bolsa máseleniń ońy­­nan sheshilgenin qalaıtyny aıtpasa da túsinikti.

«Ýaqytynda qala ákiminiń orynba­sa­ry shaqyryp aldy da: «Kompanııa ókiline 5 mıllıonnan berińder, olar úıdi aıaqtap beredi» dedi. Aıtýyn aıtqa­ny­men jeme-jemge kelgende jaýap­tylar sózderinen sekirip, jaltardy. Qarasha halyq shendilerdiń sózi­ne se­ne­miz dep sa­qyl­daǵan aıazda ne aqsha­syz, ne úı-kúısiz júr», deıdi yzaǵa býlyqqan tarazdyq turǵyn Maqpal Noǵaıbaeva máseleniń mánisin túsindirip.

Baspanasyz júrgen buqara «Nurly jer» baǵdarlamasy aıasynda atqarylǵan jumystyń júıeli júrgizilmegenin alǵa tartady. Olar sheneýnikter men qury­lys­qa jaýapty adamdar halyqtan alǵan qarjyny talan-tarajǵa saldy ma dep te kúdiktenip otyr. Qysqasy, tarazdyq áleýmet jergilikti atqarýshy bılik máse­­le­­ni tolyq ári jan-jaqty tekserip, du­rys sheshim shyǵarsa deıdi.

«Memlekettik baǵdarlama aıasynda júrgizilgen qurylys bolsa, olar qan­daı negizge súıenip aqsha alyp otyr? Jumystaryn qarjy suramaı aıaqtaý­lary kerek edi. Jaýaptylardyń jaýap­syz­dy­ǵy­nan qazir úı-kúısiz sabylyp júrmiz. Jurt qashanǵy páter jaldap kúneltedi», deıdi ashýǵa býlyqqan qala turǵyny Gúlmıra Ońasbaeva.

Jergilikti jurttyń talaby da túsi­ni­kti. Olar mańdaı ter, taban aqymen tap­qan tabysyn baspanaly bolý úshin jumsaǵan. Jaldamaly páterde tu­rý­dan jalyqqan halyq ýaqtyly baspanaly bolatynyna sengen.

Alaıda ýaqyt óte kele ótkir másele tipti ýshyǵa túsken. Qalaı alyp qarasaq ta, turǵyndar janaıqaıynyń jany bar. Baspanaly bolýdan úmitin úzbegen eldiń senimine selkeý túsirmeı, máseleni jedel túrde sheshýdiń joly bar ma?

Ashynǵan halyq eshteńege qaramaı, qala ákimi Baqytjan Orynbekovpen júz­desýdiń túrli jolyn qarastyrdy. Qa­lalyq ákimdiktiń aldyna jınalǵan halyq aqyry degenine jetip, kóne shahardyń jańa ákimimen kezdesti. Jańa ákim deýi­mizdiń de ózindik syry bar. Sońǵy bir­neshe jyldyń bederinde Tarazǵa taǵa­ıyn­dalǵan ákimder «qudaıy qonaqqa» aınalyp ketti. Az ǵana ýaqyt qyzmet etedi de, aýysyp ketedi. Jergilikti halyqtyń daýymen tanysqan Baqytjan Orynbekov máseleni maıshammen qaraý úshin ýaqyt surady.

«Kimdiki durys, kimdiki burys ekenin tıisti taraptarmen kezdesý barysynda júzbe-júz otyryp anyqtaıtyn bolamyz. О́ıtkeni barlyq másele zań aıasynda sheshi­min tabýy kerek. Eger másele biz oılaǵandaı bolmasa sot arqyly máj­búr­leý máselesin de qarastyratyn bolamyz», deıdi qala ákimi B.Orynbekov.

Onyń aıtýynsha, máseleni naqty sheshý úshin shamaly ýaqyt kerek. О́ıtkeni halyq talaby oryndalýy úshin ýshyqqan jaǵdaı jan-jaqty saralanýy tıis.

Birneshe jyl boıy jalǵasyp kele jatqan daý birneshe kúnde sheshimin taba ma? Shendiler zańgerler arqyly ýa­qy­tyn­da jasalǵan kelisimsharttardy qaıta zer­deleýge nıetti sekildi. Másele olaı órbi­gen jaǵdaıda halyqtyń talaby jedel oryn­dala qoıýy qıyn.

Taraz qalasyna ákim bolyp taǵaıyn­dal­ǵaly beri jurttyń máselesin betpe-bet tyńdaýdan tanbaǵan Baqytjan Oryn­bekov bálkim buqaranyń baıbalamyn jedel sheshýdiń jolyn tabar. Qalaı desek te, shahar tizginin ustaǵan ákimderdiń ishinde Orynbekovke degen eldiń yqylasy da, senimi de bólek. Endi sol senimniń údesinen shyqsa deımiz.

Jambyl oblysy