Mańǵystaý oblysy boıynsha Memlekettik kirister departamentiniń qyzmetkerleri ekonomıkalyq tergeý departamentimen (ETD) birlesip kontrabandalyq temeki ónimderin anyqtady, dep habarlaıdy Egemen.kz.
«Morport» keden beketinde Iran Islam Respýblıkasynan Almaty qalasyna baǵyt alǵan konteıner anyqtaldy. Inspeksııalyq keshendi paıdalaný arqyly tekserýden keıin konteıner ashyldy. Ishinen qujattarǵa sáıkes «jaryq dıodty shamdardyń» ornyna qyzmetkerler deklarasııalanbaǵan ónim – 866 myń qorap temekini tapqan.
Temeki buıymdarynyń kontrabanda faktilerin tekserý úshin tergeý amaldary júrgizilý ústinde, kedendik qun jáne tólenetin kedendik tólemder men salyqtar belgilendi.
Qazaqstan Respýblıkasy Qylmystyq-prosestik kodeksiniń 201-babyna sáıkes ózge de málimetter tergeý múddesi úshin jarııa etilýge jatpaıdy.