IIDM basshysy Marat Qarabaev «Almaty halyqaralyq áýejaıy» AQ prezıdenti Alp Er Týnga Ersoımen kezdesý ótkizdi. Kezdesý barysynda áýejaı basshylyǵy Almaty áýejaıynyń jańa halyqaralyq termınalyn salý jónindegi iri jobanyń iske asyrylýy týraly baıandady.
Jıyn qatysýshylary áýejaıdy perspektıvaly damytý boıynsha jumystyń negizgi aspektilerin talqylady.
Búgingi tańda áýejaı damýynyń oń dınamıkasy jáne jolaýshylar aǵynynyń ósýi baıqalady. Máselen, 2022 jyly áýejaı 7 mıllıonnan astam jolaýshyǵa qyzmet kórsetken.
Aıta ketý kerek, jobanyń júzege asyrylýy Memleket basshysynyń jeken baqylaýynda. Jobany aıaqtaýdyń josparlanǵan merzimi - 2024 jyldyń birinshi jartyjyldyǵy. Jańa termınaldyń qurylysy jolaýshylar aǵynyn arttyrýǵa, ushý geografııasyn keńeıtýge, megapolıstiń turǵyndary men qonaqtaryn jaılylyqtyń joǵary deńgeıimen qamtamasyz etýge múmkindik beredi.
Mınıstr áýejaıdaǵy qyzmetter men servısti jaqsartý úshin barlyq qajetti sharalardy qabyldaýdy jáne jolaýshylardyń shaǵymdaryna dereý den qoıýdy tapsyrdy.
Gúlshahra SANSYZBAI