Premer-mınıstr Álıhan Smaıylov Sıfrlyq damý, ınnovasııalar jáne aeroǵarysh ónerkásibi mınıstrine Qazaqstandaǵy ınternettiń sapasyzdyǵy úshin eskertý jasap, máseleni tez arada sheshýdi talap etti, dep habarlaıdy Egemen.kz.
Vedomstvo alqasynda Premer-mınıstr Álıhan Smaıylov Qazaqstanda ınternet áli de sapasyz ekenine nazar aýdardy.
«Baǵdat Batyrbekuly, elimizde ınternet pen uıaly baılanys sapasyna shaǵymdanyp jatqan azamattardyń sany ósip kele jatqanyn ózińiz de kórip otyrsyz. Tipti iri qalalar men megapolısterdiń ózinde de ınternet álsiz ekenin baıqadyq. Qazir kez kelgen jumysty uıaly telefonnyń kómegimen jasaýǵa bolady, biraq keıde baılanys ustamaı, ınternet istemeı qalady. Bul máseleni sheshý kerek», dedi Álıhan Smaıylov.
Ol Memleket basshysynyń tapsyrmasy boıynsha barlyq qalalar men aýdan ortalyqtary, sondaı-aq respýblıkalyq jáne negizgi oblystyq avtojoldar sapaly uıaly baılanyspen jáne ınternetpen qamtamasyz etilýi tıis ekenin eske saldy.
«Ázirlenip jatqan «Qoljetimdi ınternet» ulttyq jobasy sheńberinde tıisti sharalar qabyldanǵany jón. Sonymen qatar birinshi kezekte respýblıkalyq mańyzy bar qalalar men oblys ortalyqtarynda 5G uıaly baılanysyn engizý jumystaryn jalǵastyrý qajet. Tıisti jumys 2027 jyly aıaqtalýy kerek», dep eskertti Premer-mınıstr.