Búgin, 26 qańtarda Sıfrlyq damý, ınnovasııalar jáne aeroǵarysh ónerkásibi mınıstrliginiń keńeıtilgen alqa otyrysy ótti. Jıyn barysynda mınıstrlik jetekshilik etetin baǵyttardaǵy jumystyń qorytyndylary men basymdyqtary talqylandy, dep habarlaıdy Egemen.kz vedomstvonyń baspasóz qyzmetine silteme jasap.
Alqa otyrysyna Qazaqstan Respýblıkasynyń Premer-mınıstri Álıhan Smaıylov, Sıfrlyq damý mınıstri Baǵdat Mýsın, mınıstrlik qyzmetkerleri, basqarmalar men vedomstvoǵa qarasty uıymdardyń basshylary men qyzmetkerleri qatysty.
Sıfrlyq vedomstvo basshysy Baǵdat Mýsın 2022 jylǵy jumysty qorytyndylap, ózi jetekshilik etetin baǵyttardyń basymdyqtary jáne 2023 jylǵa arnalǵan josparlar týraly aıtty. Mınıstrdiń aıtýynsha, búginde proaktıvti qyzmetter engizilýde, olardyń jalpy sany 40-qa jetti.
Proaktıvti tásil - «Invisible Government» tujyrymdamasyn iske asyrý kezeńderiniń biri bolyp sanalady. Ol degenimiz, azamat úshinshi tulǵalardyń qatysýynsyz ómirdiń barlyq kezeńderinde memleketpen ózara is-qımyl jasaı alady.
«Bizdiń strategııalyq mindetimiz - árbir ómirlik jaǵdaıdy taldaý, azamattyń neni bastan ótkeretinin túsiný, kedergilerdi joıý jáne bárin yńǵaıly ári túsinikti proseske kóshirý. Ol úshin fokýs-toptar jınalyp, naqty memlekettik organdar, CDO jáne basqa da uıymdar tartylady. Bıznes-prosesterdi qaıta qaraǵannan keıin olardy proaktıvti qyzmetterge barynsha aýystyrý josparlanyp otyr», dedi Baǵdat Mýsın.
Sondaı-aq mınıstr óz sózinde HQKO-nyń servıstik qyzmetterin ońtaılandyrý boıynsha jumystar jalǵasyp jatqanyn atap ótti. Qazir Qazaqstanda 324 ortalyq bar, ótken jyly 14-i jańǵyrtyldy, bıyl taǵy 50-in jańartý jumysy josparlanyp otyr. Taıaý bolashaqta elimizde azamattarǵa yńǵaıly jáne sapaly qyzmet kórsetetin biryńǵaı keńistik - sýperSONdar paıda bolady.
О́tken jyly «eDensaulyq» sııaqty mańyzdy áleýmettik elektrondyq servıster iske qosyldy, onda azamattardyń donorlyq mártebesi, reseptiler, júkti áıelderdi esepke alý, aýrýhanaǵa jatqyzý boıynsha keńeıtilgen aqparat jınaqtalǵan.
«Uıaly baılanys qosymshasy pasıentke óziniń jeke medısınalyq derekterine qol jetkizýdi basqarýǵa, óziniń ESQ kómegimen kelisimderge qol qoıýǵa, emhanaǵa barmaı-aq dárigermen onlaın keıbir máselelerdi sheshýge múmkindik beredi. Dárigerler óz kezeginde densaýlyq saqtaý júıelerindegi pasıenttiń derekterine qol jetkize alady. Olar medısınalyq aqparattyq júıeniń «bir terezesinde» jumys isteı alady jáne kóptegen qujattardy toltyrýdyń qajeti bolmaıdy», dedi Baǵdat Mýsın.
Sonymen qatar, mınıstr sıfrlyq vedomstvonyń mańyzdy strategııalyq mindetteriniń biri baılanys salasyn damytý ekenin atap ótti. Búginde Qazaqstanda 4,9 myń aýyl keń jolaqty mobıldi ınternetke qosylǵanyn aıtty. Mundaǵy jumys 3G ornyna 4-shi býyndy baılanyspen qamtýdy arttyrýǵa baǵyttalǵan.
QR SDIAО́M jumysynyń taǵy bir baǵyty – halyqty jáne bıznesti ınternet jelisine (100 Mbıt/s) qoljetimdi joǵary jyldamdyqpen qamtamasyz etýge baǵyttalǵan «qoljetimdi Internet» jańa ulttyq jobasyn ázirleý. Ulttyq jobanyń basty is-sharalarynyń biri - 3 myńǵa deıin eldi mekenge optıka tóseý bolyp otyr.
Otyrys barysynda vedomstvolyq baǵynysty uıymdardyń basshylary, onyń ishinde «Qazaqtelekom» AQ Basqarma Tóraǵasy Qýanyshbek Esekeev, «Qazaqstan Ǵarysh Sapary» AQ Basqarma Tóraǵasy Aıdyn Aıymbetov, «Ulttyq aqparattyq tehnologııalar» AQ Basqarma Tóraǵasy Rostıslav Konıashkın, «Astana Hub» IT-startaptar halyqaralyq tehnoparki» Bas dırektory Maǵjan Mádıev óz baıandamalaryn jasady.