Elordada Aqparat jáne qoǵamdyq damý mınıstrligi uıymdastyrǵan óńirlik merzimdi basylymdar forýmy máresine jetti, dep habarlaıdy Egemen.kz.
Mınıstr Darhan Qydyráli forýmnyń sońynda óńirlik merzimdi basylymdardyń jumys deńgeıin arttyrý máselelerine toqtalyp, qorytyndy sóz sóıledi.
«Eki kún boıy jaqsy jıyn ótti, ltúrli taqyryptarda kóptegen máseleler talqylandy. Dástúrli medıany biz árqashan qoldaýǵa ázirmiz. Jýrnalıstıkanyń otynan kirip, kúlinen shyqqan jýrnalısterge mınıstrlik atynan jáne óz atymnan rızashylyǵymdy bildirgim keledi. О́ńirlerdiń arasynda tájirıbe almasý boldy dep oılaımyn. Ozyq óńirlerdegi tájirıbeni qoldaný barysynda ákimshilikten qoldaý qajet bolsa biz sol ákimdiktermen sóılesýge daıynbyz», dedi Darhan Qydyráli.
Sonymen qatar jıyn barysynda mınıstrge orys tilinde jarııalanatyn BAQ-tyń bolashaǵy jaıly suraq qoıyldy.
«Biz memlkettik jáne memlekettik emes til dep bólmeımiz. Sol sııaqty Qazaqstandaǵy barlyq tilde shyǵatyn gazetterdiń barlyǵyna birdeı qaraımyz. Onyń ishinde orys tilindegi basylymdar bizdiń erekshe nazarymyzda. Orys tilindegi jýrnalıstıkany damytyp otyrǵan áriptesterimizge alǵysymyzdy bildiremiz. Orys tildi aýdıtorııa óte úlken jáne onyń múmkindikteri kóp. Otandyq jýrnalıstıkanyń damýynda orys tildi jýrnalıstkanyń da úlken róli bar. Bolashaqta da solaı jalǵasatynyna senemin. Jumystaryńyzǵa tabys tileımin!», dep qorytyndylady D.Qydyráli.
Osylaısha elordada eki kúnge sozylǵan óńirlik merzimdi basylymdar forýmy jumysyn aıaqtady. Forýmda óńirlik merzimdi basylymdardyń jumys deńgeıin arttyrý máseleleri kóterildi. Atalǵan forýmǵa elimizdiń ár óńirinen 200-den astam delegat qatysty. Eki kún boıy túrli sessııalar, master-klasstar, taǵylymdy talqylar uıymdastyryldy.