Almaty oblystyq Qazaqstan halqy Assambleıasy hatshylyǵynyń bastamasymen «Dialog» sarapshylar alańy ashylyp, onyń alǵashqy otyrysy ótti, dep habarlaıly Egemen.kz oblystyq «Qoǵamdyq kelisim» KMM baspasóz qyzmetine silteme jasap.
Alqaly basqosýǵa oblystyq QHA janyndaǵy Aqsaqaldar, Analar keńesteri men Jetekshi jýrnalıster klýby, Kásipkerler qaýymdastyǵy, etnomádenı birlestikterdiń tóraǵalary qatysty.
Jıyn barysynda spıkerler ózara pikir almasyp, etnosaralyq qatynastar salasy boıynsha utymdy usynystarymen bólisti.
«Atalǵan jobanyń maqsaty – óńirdegi etnosaralyq qatynastardy damytý, ishki turaqtylyqty nyǵaıtý, ulttar arasyndaǵy mádenı, rýhanı jáne ózge de baǵyttar boıynsha ózara yntymaqtastyǵynyń artýyna úles qosý. Budan bólek, jańa qazaqstandyq patrıotızmdi ilgeriletý, Memleket basshysynyń «Halyq únine qulaq asatyn memleket» Tujyrymdamasyn iske asyrýǵa yqpal etý jáne óńirdegi sarapshylar pýlyn qalyptastyrý da klýb qyzmetiniń basty mindetteriniń biri», dep atap ótti Almaty oblysy Etnosaralyq qatynastardy damytý bólimi Qazaqstan halqy Assambleıasy hatshylyǵynyń basshysy Jandar Asan.
Qoǵamdyq dıalog – ózara senim men túsinistiktiń negizgi ózegi, basty tutqasy ekendigi belgili. Bul turǵyda arnaıy sarapshylar men qoǵam belsendileriniń pikiri erekshe mańyzǵa ıe jáne ózekti bolyp tabylady.
«Qoǵamdyq kelisim» mekemesiniń janynan qurylǵan klýbta belgili qoǵam belsendileri, sarapshylar men etnomádenı uıymdardyń tóraǵalary bas qosyp, belgili bir taqyryp aıasynda ornyqty oılarymen bólispek.
Nátıjesinde saýatty taldamalyq usynystar daıarlanyp, arnaıy qarar qabyldanady.
Almaty oblystyq Qazaqstan halqy Assambleıasy janyndaǵy ınstıtýttardyń jumysyn jandandyrýdy kózdeıtin sarapshylar alańynyń otyrysy onlaın jáne offlaın formattarda aı saıyn ótkiziledi.
Talqylaýlar onlaın rejımde áleýmettik jeliler arqyly tikeleı efırde de taratylady. Osy arqyly kórermender óz suraqtary men pikir-usynystaryn bildirýge múmkindik almaq.
Qoǵamdyq alań qyzmetiniń mańyzdy baǵyty – aımaqta birlik pen kelisim qundylyqtaryn dáripteıtin baıandy bastamalardy iske asyrýǵa uıytqy bolý.