«Turan» ýnıversıteti men akademık О́.Joldasbekov atyndaǵy Mehanıka jáne mashınataný ınstıtýtynyń «Jasandy ıntellekt jáne robototehnıka R&D-zerthanasy» birlesken ǵylymı-zertteý ortalyǵy ashyldy, dep habarlaıdy Egemen.kz.
Ǵylymı-zertteý zerthanasyn ashýdaǵy maqsat robototehnıka salasyndaǵy ǵylymı-zertteý ınstıtýttarynyń zamanaýı sheshimderin ýnıversıtetterdiń oqý úderisimen yqpaldastyrý jáne ǵylymı-zertteý jumystaryn damytý, jasandy ıntellekt tehnologııalaryn, ónerkásipti avtomattandyrý, zamanaýı qural-jabdyqtar tilin ıgerý, sondaı-aq birlesken ǵylymı-ádistemelik zertteýler júrgizip, ázirlemelerdiń nátıjelerin kommersııalandyrý.
Zamanaýı platformada robotty júıeler men ıntellektýaldyq múmkindikteri tanystyrǵan mamandar tómendegi jetistikterge nazar aýdardy.
Mehanıka jáne mashınataný ınstıtýty ázirlegen 5 mobıldi robotty qamtıtyn servıstik medısınalyq robottar kesheni, joǵary ıntellekti mobıldilikti qamtıdy. Kólik roboty, tazalaýshy serigi bar dezınfeksııalyq robot, palatkalarda naýqastarǵa qyzmet kórsetýge arnalǵan daýystyq fýnksııasy bar robot kómekshisi, COVID synaǵyn alýǵa arnalǵan robotty jınaqtaǵyshy bar kobot-synama, sondaı-aq dezınfeksııalyq suıyqtyqty daıyndaýǵa arnalǵan mıkroreaktor júıesi jáne robottehnıkalyq keshenderdiń ortalyq basqarý qurylǵysynyń tıimdiligi zor.
Sonymen qatar basqarý júıelerin baǵdarlamalaýǵa jáne robottardyń jasandy ıntellekt algorıtmderin qurýǵa arnalǵan túpnusqalyq manıpýlıatorlary bar 5 oqý robot-stımýlıatorynyń kesheniniń de qamtý aıasy keń. Keshen jeke robottardyń, sondaı-aq óndiriste avtomattandyrylǵan robottandyrylǵan jeliler úshin ámbebap qurylǵy.
Mashına mehanıkasy jáne robototehnıka salasyndaǵy elektrondy mýltımedııalyq oqýlyqtar kesheni stýdentterge jańa aqparattardy zertteýge jáne qurylymdaýǵa kómektesedi. Oqýlyqta mýltımedııalyq keshendi paıdalana otyryp, beınedárister kýrsy qamtylǵan.
Zerthana múmkindikteri stýdentter úshin jasandy ıntellekt múmkindikterin jyldam ıgerip, robot tehnıkasynyń tilin ıgerýmen qatar, adamzat ıgiligi jolynda iske asatyn jobalarda paıdalanýǵa zor múmkindikter ashady.