Jańa Zelandııanyń Oklend qalasynda tolassyz jaýyn-shashynnyń áserinen sý tasqyny boldy. Saldarynan keıbir ǵımarattar qırap, adamdar qaıtys bolǵan, dep habarlaıdy Egemen.kz
Oklend qalasynda 15 saǵattyń ishinde maýsymdyq jaýyn-shashynnyń 75 paıyzy túsken. Qala tabıǵattyń tosyn minezine daıyn bolmasa da, jergilikti TJ qyzmeti der kezinde sý tasqynyna qarsy sharalar qabyldap, evakýasııa júrgizgen. Dese de 4 adam qaıtys bolyp, birshama adam zardap shekken.
Sınoptıkterdiń boljaýynsha, mundaı tolassyz jańbyr áli de toqtamaıdy. Jańa Zelendııanyń basqa da qalalarynda jańbyrly kúnder bolady.
Aıtolǵan JÚNISHAN,
L.N. Gýmılev atyndaǵy EUÝ stýdenti