Shvesııa men Polshada uıymdastyrylǵan gandboldan bıylǵy álem chempıonaty óz máresine jetti.
Stokgolmde ótken fınaldyq básekede Danııa men Fransııa quramalary kezdesti. Buǵan deıin qatarynan eki álem chempıonatynda dara shyqqan danııalyq gandbolshylar fransııalyqtardy 34:29 esebimen tize búktirip, qatarynan úsh álem birinshiliginde úzdik shyqqan tuńǵysh qurama atandy. Olar buǵan deıin 2019 jáne 2021 jyldardaǵy álem chempıonattarynda jeńiske jetken bolatyn.
Sondaı-aq Danııa sportshylary 2016 jylǵy Rıo Olımpıadasynda, 2008 jáne 2012 jyldardaǵy Eýropa chempıonattarynda top jardy. Qola júldeni Shvesııany 39:36 esebimen jeńgen Ispanııa quramasy jeńip aldy.