Bul týraly Qasym-Jomart Toqaev elordany damytý máseleleri jónindegi keńes otyrysynda aıtty, dep habarlaıdy Egemen.kz.
«Sońǵy kezde eski jáne apatty jaǵdaıda turǵan úılerdi súrip tastaýǵa qatysty jumys toqtap qaldy. Onyń ornyna beriletin jańa baspana sany 70 paıyzǵa azaıyp ketti. Qazir Astanadaǵy 200 úı turýǵa jaramsyz. Qalanyń Asan Qaıǵy kóshesin jańartý baǵdarlamasy qabyldanǵan edi. Biraq 5 jyldyń ishinde osy kóshedegi eski úılerdiń nebári 14 paıyzy ǵana buzylǵan. Jurt ǵımarattardyń tyǵyz salynyp jatqanyna narazylyq bildirip otyr. Qurylysy toqtap turǵan úıler áli de bar. Úleskerlerdiń shaǵymy da kóp. Keıbir turǵyn úılerge ortalyqtan jylý berý máselesi de sheshilmegen. Sonyń kesirinen adamdar daıyn turǵan baspanasyna kóshe almaı otyr. Sondaı-aq 360-tan astam úıge kúrdeli jóndeý jumystaryn júrgizý kerek. Olardy jańǵyrtý josparyn ázirleý qajet», dedi Prezıdent.