Bul kúnderi Indonezııa astanasy – Jakartada 2024 jylǵy Parıj Olımpıadasyna joldama beretin nysana kózdeýden Álem kýbogi jarysy ótip jatyr. Básekeniń kezekti kúninde Qazaqstan sportshylary el qorjynyna taǵy eki júlde saldy.
Aldymen pnevmatıkalyq tapanshadan 10 metrden nysana kózdeý saıysynda synǵa túsken Qazaqstan mergenderi – Valerıı Rahymjan men Irına Iýnýsmetova qola medal jeńip aldy. Qazaqstan quramasynyń ókilderi aralas jup arasyndaǵy úshinshi oryn úshin ótken talasta Koreıa sportshylaryn 16:10 esebimen tize búktirip, júldegerler qatarynan kórindi.
Al keshe erler arasynda pnevmatıkalyq vıntovkadan 10 metrden nysana kózdeýde Qazaqstan quramasy kúmis júldeger atandy. Fınalda bizdiń mergender Aýstrııa sportshylaryna 16:8 esebimen ese jiberdi. Bul synda el namysyn Konstantın Malınovskıı, Nıkıta Shahtorın men Islam Sátbaev qorǵady. Onyń aldynda pnevmatıkalyq vıntovkadan 10 metrden oq atýda Konstantın Malınovskıı kúmis júldeni moınynda jarqyratqan edi.