«Turan» ýnıversıtetinde akademık О́.Joldasbekov atyndaǵy Mehanıka jáne mashınataný ınstıtýtynyń birlesýimen «Jasandy ıntellekt jáne robototehnıka r&d-zerthanasy» ǵylymı-zertteý ortalyǵy ashyldy.
Zerthanany ashýdaǵy maqsat – robototehnıka salasyndaǵy ǵylymı-zertteý ınstıtýttarynyń zamanaýı jetistikterin ýnıversıtetterdiń oqý úderisimen yqpaldastyrý jáne damytýǵa yqpal etý. Jasandy ıntellekt tehnologııalary ónerkásipti avtomattandyrý, zamanaýı qural-jabdyqtar tilin ıgerý, sondaı-aq birlesken ǵylymı-ádistemelik zertteýler júrgizip, ázirlemelerdiń nátıjelerin kommersııalandyrýǵa negizdelgen.
О́.Joldasbekov atyndaǵy Mehanıka jáne mashınataný ınstıtýtynyń dırektory Amandyq Tóleshovtiń aıtýynsha, oqý-zertteý zerthanasy sońǵy eki-úsh jylda ǵylymı jumystar nátıjesinde jasalǵan robottardan qurylymdanǵan. Zerthana jastardy ǵylymǵa baýlı otyryp, robottardy oqý úrdisine engizýdi maqsat etedi. Platformadaǵy barlyq robotty stýdentter bilim alý keńistiginde erkin paıdalana alady.
Osy ınstıtýttyń ǵylymı qyzmetkerleri Igor Grısenko jáne Nurjan Tólebaev medısına salasynda qoldanylatyn robottar jumysymen tanystyrdy. Robottar kesheni dári tasymaldaýmen qatar ınterfeıs arqyly naýqastyń aǵymdaǵy jaǵdaıyn memlekettik tilde habarlaý múmkindigine ıe. Dárigerler naýqastan túsken aqparatqa baılanysty emdeý jaǵyn qarastyratyn bolady. Robottardyń kómegimen naýqastyń aýyz qýysynan proba alýǵa, sonymen qatar bólmeni zalalsyzdandyrýǵa da múmkindik bar.
Zamanaýı platformada robotty keshendi tanystyrǵan mamandar basqarý júıelerin baǵdarlamalaýǵa jáne jasandy ıntellekt algorıtmderin qurýǵa arnalǵan túpnusqalyq manıpýlıatorlardyń múmkindikterin atap ótti. Mehanıka jáne robot tehnıka salasyndaǵy elektrondy mýltımedııalyq oqýlyqtar kesheni stýdentterge tyń aqparattardy zertteýge, qurylymdaýǵa kómektesedi.
ALMATY