Jakartada (Indonezııa) ótip jatqan vıntovka jáne tapanshadan nysana kózdeý sportynan Álem kýbogi úshin jarysta jerlesterimiz tabysty óner kórsetip jatyr. Básekeniń kezekti kúninde Qazaqstan sportshylary altyn júlde jeńip aldy.
Elimizdiń áıelder quramasy 10 metrden pnevmatıkalyq vıntovkamen nysana kózdeýde úzdik nátıje kórsetip, altynnan alqa taqty. Bul synda el namysyn qorǵaǵan Aleksandra Le, Elızaveta Bezrýkova, Anastasııa Grıgoreva úshtigi fınalda Sıngapýr mergenderimen saıysyp, 17:15 esebimen basym tústi.
Buǵan deıin jerlesterimizden pnevmatıkalyq vıntovkadan 10 metrden oq atýda Konstantın Malınovskıı – kúmis jáne dál osy qashyqtyqtaǵy aralas jupta Valerıı Rahymjan men Irına Iýnýsmetova qola júlde jeńip alǵan bolsa, pnevmatıkalyq tapanshadan 10 metrden nysana kózdeýden komandalyq synda Qazaqstan quramasy kúmis júlde jeńip alǵan edi.
Álem kýboginde 1 altyn, 2 kúmis jáne 1 qola medal oljalaǵan Qazaqstan quramasy jalpykomanadalyq esepte Aýstrııa mergenderimen birge ekinshi oryndy ózara bólisip tur.