ASTANA. 17 maýsym. Brazılııanyń Kýrıtıba qalasynda ótken chempıonattyń F tobyndaǵy Iran jáne Nıgerııa quramalary arasyndaǵy kezdesý birinshi ret teń nátıje ákeldi. Match 0:0 esebimen aıaqtaldy. Bul týraly egemen.kz habarlady.
Munyń aldyndaǵy golǵa da, oqıǵaǵa da baı oıyndarǵa qaraǵanda, eki jaq ta barynsha saqtyqqa den qoıǵan bul kezdesý kóńilsizdeý kórindi. Áý basynda bul shaıqastaǵy jeńistiń quny óte joǵary sanalǵan. Ol jeńgen komandany ekinshi orynǵa shyǵýǵa múmkindik áperedi dep esepteldi. Sebebi, birinshi orynnyń Argentınaǵa buıyratynyna eshkim shák keltire qoımaǵan. Nátıjesinde eshbir gol soǵylmaǵan teń oıynǵa kezek keldi. Al munyń ózi endi Bosnııa úshin taptyrmas kórsetkish bolyp tabylady.
Kezdesý negizinen Nıgerııa quramasynyń basymdylyǵymen ótti. Soǵan qaramastan, onyń shabýylshylary qarsy jaq betke asa kóp bara almady. Buǵan ırandyqtar qorǵanys shebiniń óte muqııat oınaǵany múmkindik bermedi. Degenmen, úziliske deıin afrıkalyqtar sapyndaǵy Vıktor Mozes eki ret esep ashatyn sátterdi paıdalana almady.
Úzilisten keıin Mozestiń taǵy bir soqqysyn parsy qaqpashysy Alıreza Hagıgı qaıtaryp úlgerdi. Mundaı sátti Karlýsh Keırýshtiń shákirtteri de jiberip aldy. Aıtalyq, Reza Goohanneıad urǵan soqqydan óz qaqpasyn golkıper Vınsent Eneama qorǵap qaldy. Degenmen, oıynnyń bul bóligi aldyńǵyǵa qaraǵanda da, mamyraqan qalypta ótti. Sondyqtan onda esep ashylmaýyn zańdylyq dep qabyldaǵanymyz jón shyǵar.
Damır Qojamqul.
Derekkóz: Chempıonat.Rý.
Foto: Chempıonat.Rý.