Búgin Almatyda eki jolaýshylar avtobýsy soqtyǵysyp qaldy, dep habarlaıdy Egemen.kz.
Anyqtalǵandaı, oqıǵa ál-Farabı dańǵyly men Jarokov kóshesiniń qıylysynda, «Qazaqfılm» kınostýdııasyna qarama-qarsy jerde bolǵan. № 31 avtobýs №116 avtobýsty soqqan. Soqqydan №116 avtobýstyń artqy áınegi synǵan.
«31-baǵyttaǵy Yutong qoǵamdyq kóliginiń júrgizýshisi dańǵylmen batys baǵytta kele jatyp, aldyn ala boljam boıynsha, araqashyqtyqty saqtamaý saldarynan aıaldamada turǵan 116-baǵyttaǵy SAZ qoǵamdyq kóligimen soqtyǵysqan. Aldyn ala derekter boıynsha alty adam dene jaraqatyn aldy», delingen jergilikti polısııa qyzmeti kezekshi bóliminiń málimetinde.