Barshaǵa ortaq qundylyq

Keshe Aqordada Memlekettik hatshy Ádilbek Jaqsy­be­kovtiń qatysýymen «Qazaqstan-2050» Strategııasy aıasyn­daǵy memlekettik organdardyń jáne QHA Ǵylymı-sarap­shylyq keńesi ǵylymı-sarapshylyq jumysynyń jańa min­det­teri týraly Qazaqstan halqy Assambleıasy Ǵylymı-sarap­shylyq keńesiniń keńeıtilgen otyrysy ótti. Keńes jumy­syna Prezıdent Ákimshiliginiń basshylyǵy, Qazaqstan Parla­mentiniń depýtattary, mınıstrlikter men vedomstvolar ókil­deri, óńirlik ǵylymı-sarapshylyq toptardyń basshylary, ǵylym jáne shyǵarmashylyq ıntellıgensııa ókilderi qatysty. Jıynda sóz alǵan Memleket­tik hatshy «Qazaqstan-2050» Stra­te­gııasy, QHA-nyń 2020 jylǵa deıingi damý tujyrymdamasy jáne Prezıdent N.Nazarbaevtyń QHA-nyń XXI sessııasynda bergen tapsyrmalary aıasyndaǵy mem­lekettik etnosaıasatty ǵyly­mı-sarapshylyq súıemeldeý ju­mysynyń negizgi mindetteri men baǵyttaryn aıqyndady. Bul Keńestiń eldegi birlikti saqtaýǵa úles qosyp kele jatqanyna toqtaldy. «HHI ǵasyr – ǵylym­nyń ǵasyry. Búgingi zamanda bar­lyq jumysqa ǵylymı ne­giz kerek. El damýyna qajetti ár­bir jobaǵa saraptama jasalýy tıis. Sonyń ishinde, etnosaralyq qaty­nasty ǵylymı zertteý – mańyzdy másele. Sońǵy jyldary álemde bolyp jatqan ózgeristerdi bilesizder. Demek, árbir memleket úshin turaqtylyq qajet. Al tatýlyq bar jerde el damıdy, ekonomıka ósedi. Sondyqtan, Elbasy bul máselege erekshe nazar aýdaryp keledi. Bul baǵytta Prezıdent otandyq ǵalymdardyń aldyna úlken mindet júktep otyr. Bul mindetter «Qazaqstan-2050» Strategııasynda naq­ty kórsetilgen. Biz búgingi otyrys­ta Prezıdent júktegen mindetterdi jańa sapada oryndaýdyń joldaryn aıqyndaımyz. Ǵylymı zertteýlerdiń josparyn bekitemiz», dedi Á. Jaqsybekov óz sózinde. Osylaı deı kele, ol bul oty­rys­tyń Qazaqstan halqy Assambleıa­synyń XXI sessııasynan keıin ótkizilip otyrǵanyn, al ol sessııanyń ózi Assambleıanyń tarıhyndaǵy mańyzy aıryqsha ekenin atap ótti. «Sebebi, bul sessııada Memleket bas­shysy Assambleıa ınstıtýtyn jáne memlekettik etnosaıasattyń barlyq júıesin nyǵaıtýǵa tapsyrma berdi. Birinshiden, Elbasynyń Jarly­ǵymen Qazaqstan Prezıdenti Ákim­shiligi janynan Assambleıanyń qyz­metin qamtamasyz etetin «Qoǵamdyq kelisim» mekemesi quryldy. Bul – Assambleıanyń óziniń saıasatyn jú­zege asyrý tetigine qol jetkizgenin, osy maqsatqa memlekettik resýrs­tardyń baǵyttalǵanyn, al bul óz ke­zeginde ınstıtýt qyzmeti tıim­di­liginiń artqanyn kórsetedi. Osy­ǵan uqsas qurylymdar elimizdiń ózge de óńirlerinde quryldy. Bul As­sam­bleıanyń barlyq júıesiniń qyzmetin jandandyrýǵa serpin beretin bolady», dedi Memlekettik hatshy. Á.Jaqsybekov 2015 jyl – Qa­zaqstan halqy Assambleıasynyń jyly bolyp belgilengenin, osyǵan oraı, Assambleıa jylyn jáne Konstıtýsııanyń 20 jyldyǵyn atap ótý úshin is-sharalardyń Ulttyq jos­pary ázirlenip jatqanyn tilge tıek etti. «Bul is-sharalardyń barlyǵy Qazaqstan halqy Assambleıasynyń XXI ǵasyrdaǵy jańa mıssııasyn aıqyndap kórsetýi tıis. Sondaı-aq, bul qoǵamdyq ınstıtýt qyzmetiniń jańa baǵyttary da belgilenip otyr. Olarǵa aldaǵy ýaqytta aıryqsha mán beriletin bolady. Máselen, Londonda brıtandyq kásipkerlerdiń bastamasymen «Nursultan Nazar­baevtyń beıbitshilik jáne keli­sim ortalyǵy» qurylady. Ol Qazaq­stannyń etnosaralyq saıasatyn nasıhattaıtyn joǵary deńgeı­degi halyqaralyq únqatysý alańy bolmaq. Jalpy alǵanda, bul atqary­la­tyn sharalardyń basy ǵana. Qazirgi geosaıası qaýip-qaterlerdiń óristeýi jaǵdaıynda memlekettik saıasatty qaıta qurýda ǵylymnyń mańyzy zor. Sondyqtan, bizdiń basty mindetimiz – ǵy­lymı sarapshylar júrgizetin zert­teýlerdiń sapasyn, ózektiligin qam­ta­ma­syz etý», dedi Memlekettik hatshy. Otyrys barysynda QHA qyzme­tin ǵylymı-sarapshylyq turǵy­dan qoldaý, el birligi men qoǵam­dyq kelisim salasynda jáne Qazaqstandaǵy etnosara­lyq ahýaldyń qazirgi jaǵ­daıy­na ǵylymı zertteýler júrgizý, etnosaralyq qatynastar salasyn­daǵy ǵylymı saıasatty ázirleý úshin ýnıversıtetaralyq yntymaqtas­tyqty qamtamasyz etý jónindegi Memleket basshysy tapsyrmalaryn iske asyrý máseleleri talqylandy. QHA Ǵylymı-sarapshylyq keńe­siniń jumysy týraly esebi jáne basqa da uıymdastyrýshylyq máseleler qaraldy. Sonymen qatar, Ǵylymı-sarapshylyq keńestiń jumysy boıynsha hattamalyq tapsyrmalar berildi. Jıyn sońynda Assambleıanyń jáne Ǵylymı-sarapshylyq keńestiń músheleri táýelsizdikti, el birligin nyǵaıtýǵa, mádenıetaralyq únqa­tysýdy damytýǵa jáne qazaqstandyq patrıotızmdi tárbıeleýge qosqan eleýli úlesi úshin mara­pattarǵa ıe boldy. Láıla EDILQYZY, «Egemen Qazaqstan». Sýretti túsirgen Erlan OMAROV.