Almatyda Eýrazııalyq úkimetaralyq keńestiń shaǵyn quramda ótken otyrysynda EAEO aıasyndaǵy ekonomıkalyq yntymaqtastyqtyń ózekti máseleleri talqylanady.
Is-sharaǵa Armenııa Premer-mınıstri Nıkol Pashınıan, Belarýs Premer-mınıstri Roman Golovchenko, Qazaqstan Úkimetiniń basshysy Álıhan Smaıylov, Qyrǵyzstan Mınıstrler kabınetiniń tóraǵasy – Prezıdent Ákimshiliginiń basshysy Aqylbek Japarov jáne Reseı Úkimetiniń basshysy Mıhaıl Mıshýstın qatysýda.
Shaǵyn quramda ótken otyrysta EAEO-nyń alkogol naryǵyn retteý máselelerin, ortaq gaz naryǵyn qalyptastyrý týraly halyqaralyq sharttyń jobasyn daıyndaý barysyn, sondaı-aq Odaqtyń óńirlik damý ınstıtýttarynyń qyzmetin talqylaý josparlanyp otyr.
«Qabyldanǵan sheshimder ıntegrasııalyq birlestiktiń odan ári damýyna eleýli úles qosyp, tyń serpin beretinine senimdimin», dedi otyrysta sóz alǵan Premer-mınıstr Álıhan Smaıylov.