Qazgıdromet sınoptıkteri 4-6 aqpanǵa arnalǵan aýa raıy boljamyn jarııalady, dep habarlaıdy Egemen.kz.
Sınoptıkterdiń málimetinshe, elimizdiń basym bóligi atmosferalyq frontal bólikterdiń yqpalynda bolady. Eldiń batysynda, soltústiginde jáne shyǵysynda qar, al ońtústik aımaqtarda jaýyn-shashyn kútiledi. Ońtústik, taýly jáne taý bókterindegi aýdandarda qatty jaýyn-shashyn, tuman jáne kóktaıǵaq bolady.
Jaýyn-shashyn men jel kúsheıedi. Eldiń batysynda túnde aýa temperatýrasy 7-18 gradýs, kúndiz 3-8 gradýs aıazǵa deıin tómendeıdi.
Eldiń soltústik jartysynda, ortalyǵynda jáne shyǵysynda temperatýra fony ózgerissiz qalady: túnde 15-26 gradýs, kúndiz 5-13 gradýs aıaz bolady. Ońtústik aımaqtarda túngi ýaqytta aýa temperatýrasy az oń mánderge jetedi, kúndiz 2-10 gradýs jyly bolady degen boljam bar.