Túrkııanyń ońtústik-shyǵysyndaǵy Kahramanmarash provınsııasynyń Pazardjyk aýdanyndaǵy provınsııada magnıtýdasy 7,4 balldyq jer silkinisi boldy, dep habarlaıdy Egemen.kz.
Bul týraly dúısenbi, 6 aqpanda Túrkııanyń Tótenshe jaǵdaılardyń aldyn alý jáne zardaptaryn joıý basqarmasy (AFAD) habarlaǵan.
Jer asty dúmpýleri jergilikti ýaqyt boıynsha 04:17-de tirkeldi, oshaǵy 7 km tereńdikte bolǵan.
Elde eń joǵary dabyl deńgeıi jarııalandy. Bılik halyqaralyq kómekke júgindi.
Jer silkinisinen keıin 32 after silkinis tirkelgen. Eń kúshtisiniń magnıtýdasy 6,6 boldy.
Jerasty dúmpýleri Túrkııanyń Hataı, Osmanıe, Gazıantep, Shanlyýrfa, Dııarbakyr, Malatııa jáne Adana provınsııalarynda, sondaı-aq Egıpet, Lıvan, Sırııa jáne Irakta sezildi.
Barlyq jerde izdestirý-qutqarý jumystary men zalaldy baǵalaý jumystary júrgizilip jatyr.
Osy ýaqytqa deıin Malatııa provınsııasynda 23 adam qaza taýyp, 420 adam jaralandy, Dııarbakyr provınsııasynda 6 adam ólip, 79 adam jaraqat aldy, ondaǵan ǵımarat qıraǵan.
Shanlyýrfa provınsııasynyń gýbernatory Salıh Aıhan 15 adam qaza taýyp, 30 adam jaralanǵanyn habarlady.
Eń sońǵy aqparatqa súıensek, jer silkinisi saldarynan 76 adam qaza taýyp, 440 adam jaralanǵan.