Elordada karate-do WKF-ten ıýnıorlar men jastar arasynda Qazaqstan Respýblıkasynyń chempıonaty ótti, dep habarlaıdy Egemen.kz qala ákimdiginiń baspasóz qyzmetine silteme jasap.
Jarysqa elimizdiń ár óńirinen 20-ǵa jýyq komandadan 421 sportshy qatysty.
«Karate elimizde ǵana emes álemde óte jaqsy damyp jatyr. Máselen, 2022 jyly ótken álem chempıonatynda Qazaqstan komandasy 129 memlekettiń ishinen 5-orynǵa turaqtady. Al Azııa chempıonatynda Japonııa memleketinen keıin ekinshi orynǵa ıe boldyq. Bul biz úshin úlken maqtanysh. Aldaǵy ýaqytta karate sport túrin damytý maqsatynda qoldan kelgenniń bárin jasaımyz», dedi Qazaqstan karate-do WKF federasııasynyń vıse-prezıdenti Bolat Havlahat.
Karate-do WKF sport túrin Qazaqstan Respýblıkasynda buqaralyq damytý arqyly kópshilikke taratý men sportshylardyń sporttyq sheberligin joǵarylatý jarystyń basty maqsaty men mindeti bolyp sanalady.
«Búgingi Qazaqstan Respýblıkasynyń chempıonatyndaǵy árbirimizdiń basty maqsatymyz – birinshi orynǵa ıe bolý, chempıon ataný. Elimizdiń ár óńirinen kelgen qarsylastarym osal emes, myqty sportshylar jeterlik. Olardyń qaısysy bolmasyn jeńimpaz atanýǵa laıyqty», dedi astanalyq qurama komandanyń sportshysy Venera Jaqsybaeva.
Týrnırde altyn júldege ıe bolǵan sportshylar álem chempıonatyna tikeleı joldama aldy.