Senat Tóraǵasy Máýlen Áshimbaev Bıýro otyrysyn ótkizdi. Onda 2023 jylǵy 9 aqpanda ótetin Palata otyrysynyń kún tártibi bekitildi, dep habarlaıdy Egemen.kz.
Otyrysta Bıýro músheleri 17 aqpanda Prezıdenttiń «Ádiletti memleket. Birtutas ult. Berekeli qoǵam» atty Qazaqstan halqyna Joldaýyn iske asyrý aıasynda «Tıimdi óńirlik saıasat – elimizdiń ornyqty áleýmettik-ekonomıkalyq damýynyń negizi» taqyrybynda parlamenttik tyńdaý ótkizý týraly qaýly qabyldady.
Senatorlar aldaǵy otyrysta birqatar zańdy qaraıdy. Solardyń biri - «Kedendik ákelý bajdarynyń (balama qoldanylatyn ózge de bajdar, salyqtar men alymdar) somalaryn esepke jatqyzý jáne bólý, olardy Eýrazııalyq ekonomıkalyq odaqqa múshe memleketter bıýdjetteriniń kirisine aýdarý tártibin saqtaý máseleleri boıynsha birlesken baqylaý is-sharalaryn ótkizý týraly kelisimdi ratıfıkasııalaý týraly» zań. Qujat EAEO-ǵa múshe memleketterdiń ýákiletti organdarynyń Eýrazııalyq ekonomıkalyq odaqta kedendik ákelý bajdarynyń somalaryn esepke alý jáne bólý tártibiniń saqtalýyn, bıýdjet qarjysynyń zańdylyǵy men ýaqtyly qozǵalysyn baqylaýdy qamtamasyz etýdi kózdeıdi. EAEO qyzmetiniń negizgi retteýshi tetikteriniń biri retinde kedendik ákelý bajdarynyń somalaryn esepke alý jáne bólý tártibin jetildirý – basty mindetterdiń qataryna jatady.
«Qazaqstan Respýblıkasy men Fransýz Respýblıkasy arasyndaǵy qylmystyq ister boıynsha ózara quqyqtyq kómek týraly shartty ratıfıkasııalaý týraly» zańnyń negizgi maqsaty - qylmystyq quqyq buzýshylyqtarǵa qatysty rásimderde barynsha jáne ózara quqyqtyq kómek kórsetý, eki eldiń qylmysqa qarsy kúrestegi yntymaqtastyǵynyń tıimdiligin arttyrý.
Depýtattar sondaı-aq «Qazaqstan Respýblıkasy men О́zbekstan Respýblıkasy arasyndaǵy bas bostandyǵynan aıyrýǵa sottalǵan adamdardy jazasyn odan ápi óteý úshin berý týraly shartty ratıfıkasııalaý týraly» zańdy da qaraıdy.
Sonymen qatar Bıýro músheleri Senattyń Parlament fýnksııalaryn oryndaýyna baılanysty Májilis Apparatynan talap etilgen jáne Senatqa Úkimetten kelip túsken zań jobalaryn turaqty komıtetterge bólip berdi.