Qazaqstannyń jas tennısshisi Tomırıs Nurjan Barselonada ótken 14 jasqa deıingi chempıondar arasyndaǵy bedeldi Open Banc Sabadell Champion týrnıriniń jeńimpazy atandy, dep habarlaıdy Egemen.kz.
Fınalda Qazaqstan tennısshisi 6:4, 6:2 esebimen jergilikti tennısshiden ozdy. Katalonııa meri chempıonǵa syılyqty ózi tapsyryp, tennısshimizdiń jeńiske degen keremet erik-jigerin atap ótti.
Osy jeńistiń arqasynda Tomırıs sáýir aıynda Barselonada ATP 500 týrnırimen qatar ótetin saıysta óner kórsetedi.