Qyzylsýat aýylynda jańa qurylys aýmaǵyna arnalǵan elektrmen jabdyqtaý qosalqy stansııasyn salý kezinde 1,3 mlrd teńge somasyndaǵy bıýdjet qarajatyn urlaý faktisi anyqtaldy, dep habarlaıdy Egemen.kz.
Qarjy monıtorıng agenttiginiń málimetinshe, osy iske qatysty Selınograd aýdanynyń TKSh bóliminiń basshysyna jáne «RemStroıServıs PV» men «MS-Energy» JShS basshylaryna qatysty aıyptaý úkimi shyqty.
Isti QMA Aqmola oblysy boıynsha departamenti óńirlik prokýratýramen birlesip tergedi. Qylmystyq istiń barlyq qatysýshylaryna bas bostandyǵynan aıyrý jazasy taǵaıyndaldy.
«Sottalǵan kásipkerler men JShS qyzmetkeri kommersııalyq jáne ózge de uıymdarda 10 jyl merzimge materıaldyq-jaýapty laýazymdardy atqara almaıdy. Al TKSh basshysy ómir boıy memlekettik laýazymdy qyzmette jumys isteı almaıdy. Úkim zańdy kúshine engen joq», dep jazylǵan vedomstvo habarlamasynda.