Almaty ákimdigi tıisti málimdeme jasady. 9 aqpanda qala kóshelerinde ótip jatqan fılm túsirilimine baılanysty № 22 jáne № 80 eki avtobýstyń marshrýttary ýaqytsha ózgeredi, dep habarlaıdy Egemen.kz.
9 aqpan kúni saǵat 06:00-den 21:00-ge deıin marshrýttar kelesideı ózgeredi:
№80 - soltústik baǵytta – Manas kóshesi-Shevchenko kóshesi-Áýezov kóshesi – Gogol kóshesi – Baızaqov kóshesi-budan ári shema boıynsha, keri baǵytta – Baızaqov kóshesi-Gogol kóshesi – Áýezov kóshesi-Tóle Bı kóshesi-Baızaqov kóshesi-budan ári shema boıynsha;
№ 22 – ońtústik baǵytta – Áýezov kóshesi – Gogol kóshesi – budan ári shema boıynsha, keri baǵytta-Gogol kóshesi-Áýezov kóshesi-budan ári shema boıynsha.
Qalalyq vedomstvonyń baspasóz qyzmeti Almatyda kórkem fılm túsirý jumystary aıaqtalyp jatqanyn eske saldy.
Ákimdik ókilderi naqtylaǵandaı, fılm túsirýge jaýapty kompanııa jaqyn mańdaǵy úılerdiń turǵyndaryn aldyn ala eskertken.