2022 jylǵy fýtbol maýsymynyń qorytyndysy boıynsha jyldyń eń úzdik qaqpashysy ataǵyna úmitker úsh fýtbolshynyń esimi belgili boldy.
Halyqaralyq fýtbol federasııasy (FIFA) 2022 jyldyń eń úzdik qaqpashysyna tabystaıtyn The Best syılyǵyna myna fýtbolshylar úmitker: Tıbo Kýrtýa («Real», Belgııa quramasy), Iаssın Bono («Sevılıa», Marokko quramasy) jáne Emılıano Martınes («Aston Vılla», Argentına quramasy). Keńeıtilgen tizimnen Alısson («Lıverpýl», Brazılııa) jáne Ederson («Manchester Sıtı», Brazılııa quramasy) shyǵyp qaldy.
Jyldyń eń úzdik qaqpashysynyń esimi 27 aqpanda anyqtalady. Byltyr bul syılyq Londonnyń «Chelsı» klýbynyń jáne Senegal ulttyq quramasynyń qaqpashysy Edýar Mendıge buıyrǵan edi.