Voleıbol bazasy boı kóteredi

Jetisý oblysy ákiminiń bas­­pasóz qyzmetiniń málime­tin­she, atalǵan nysannyń es­kız­dik jobasyn oblys ákimi Beıbit Isabaev voleıbol jat­tyq­ty­rýshylarymen jáne sáý­let-qurylys salasynyń mamanda­rymen birlesip talqylaǵan.

Kópke málim, «Jetisý» voleıbol klýby – el chempıonatynda úzdikter qatarynan kórinip júrgen komanda. Onyń ústine qa­lyptasqan óz oıyn úlgisi bar, janashyr jankúıeri de je­terlik. Jalpy, klýb jumysy jaqsy jolǵa qoıylǵanymen, Jastar sport saraıynda daıyn­dalyp júr. Onda ártúrli sport sektor­lary bolǵandyqtan, sport­shylarǵa kedergi keltiredi. Jat­tyqtyrýshylar aldaǵy ýa­qytta budan da joǵary nátı­jelerge qol jetkizýdi josparlap otyr. Endi óńirde sol úshin sportshylarǵa barlyq jaǵdaı jasalady. Bul óz kezeginde jergilikti jas­ós­pirimderdi sportqa baý­lýǵa, ob­lystaǵy sporttyq koman­da­lar músheleriniń qataryn je­ti­sýlyq talantty balalarmen to­­lyqtyrýǵa yqpal etpek.

B.Isabaev óz sózinde qury­lys barysynda sporttyq nysan­darǵa qoıylatyn barlyq normatıv qatań eskerilýge tıis eke­nin aıtty. Osy oraıda klýb jat­tyqtyrýshylary qu­rylys nysandaryn jobalaýshylarmen birlesip jumys isteýi kerek. Atap ótsek, úsh qabattan turatyn sport bazasynda erler men áıelder komandalaryna arnalǵan jeke oıyn zaldary, massaj kabınetteri, dýsh kabınalary, trenajerlyq zal­­dar, medısına mamanyna ar­nalǵan kabınet, ákimshilikke ar­nal­ǵan bólmeler – jalpy sport­shy­lardyń oqý-jattyǵýyna qajet­ti jaǵ­daılardyń barlyǵy qaras­ty­ry­lady. Nysannyń qu­rylysyna ke­rekti qarjy oblys bıýdjetinen bó­linedi.

Al klýb oıynshylary men jattyqtyrýshylaryna arnal­ǵan 4 qabatty turǵyn úı jeke ın­vestorlar esebinen turǵy­zyl­maq. Onda erler men áıel sport­­­shylarǵa arnalǵan bloktar bólek bolady. Turǵyn úı­de ja­tyn bólmelermen qa­tar sha­rýa­shylyqqa qajetti bólme­ler, as ázir­leıtin oryn, ashana, massaj ka­bıneti, medpersonalǵa arnalǵan bólme, demalys bólmesi jáne basqa da qajettilikter qarastyrylady. «Jetisý» áıel­der voleıbol ko­mandasynyń jattyq­tyrýshysy Elena Pav­lova, sporttyq dırektory Va­lerıı Belenkov jáne basqa da jattyqtyrýshylar sáýlet jáne qurylys salasy mamanda­rymen birge nysandar qurylystaryn talqylaý barysynda ortaq tu­jy­rymǵa kelip, eskızdiń eg­jeı-teg­jeıin keńese jobalaýǵa ke­listi.

Osy jıyn barysynda Taldy­qorǵanda ınvestordyń esebinen salynatyn Ústel tennısi orta­lyǵy qurylysy jobasynyń jaı-japsary da talqylandy.

Jıyn qorytyndysynda oblys ákimi aımaqta sport salasyna, sonyń ishinde kásibı klýb­tardyń materıaldyq-teh­nıkalyq bazasyn nyǵaıtýǵa zor kóńil bó­linetinin atap ótti. О́ńirge kelgen saparynda Memleket basshysy Jetisýdyń sporttaǵy dańqyn qalpyna keltirý jaıly tapsyrma bergen edi. Soǵan sáıkes qolǵa alynyp otyrǵan mundaı is-sharalar óńirde salamatty ómir saltyn nasıhattaýǵa, jastardy dene shynyqtyrý men sportqa kóptep baýlýǵa yqpal etpek.

«Bıyl birneshe sporttyq nysannyń qurylysy júrgiziledi. Sonyń ishinde «Jetisý» voleıbol klýbyna arnalǵan sporttyq baza men arnaıy turǵyn úı, ús­tel tennısi ortalyǵy saly­nady. Indorhokkeıden uldar men qyzdar komandalary jas­óspirimder arasynda ótetin Álem chempıonatyna jolǵa shyqty. Regbıden elimizdiń qurama koman­dasynyń negizin bizdiń oblystyń sportshylary qurap otyr. Sporttyń osy túrinen uldarymyz ben qyzdarymyz respýblıkada 1, 2-oryndardan kórinip keledi. Sondyqtan biz ındorhokkeı men regbı klýbtary úshin de jattyǵý bazalaryn salyp beremiz. Basketboldan jáne fýtzaldan oblysta komandalar quryldy. Bul klýbtarǵa da múmkindiginshe jaǵdaı jasaımyz», dedi B.Isabaev.

Aldaǵy ýaqytta «Jetisý» fýt­­bol klýbynyń ortalyq stadıony men qosalqy stadıonyna jańǵyrtý jumystary júr­gizilmek. Fýtbolshylar Premer-lıgaǵa kóterilip, jaqsy nátıje kór­setti. Qazir oblystaǵy kási­bı klýbtar komandalarynyń qura­mynda 80-90 paıyzy – óz elimizdiń azamattary, solardyń teń jartysy – Jetisýdyń ul-qyzdary. Oblys ákimdigi materıaldyq ba­­za­­lardy nyǵaıtýǵa bar múm­kin­dikti jasamaq nıette.

Jetisý oblysy