Berlınde Qazaqstannyń Germanııadaǵy elshiliginiń uıymdastyrýymen jáne Germanııa ekonomıkasy Shyǵys komıtetiniń qoldaýymen nemis ekonomıkasy men isker toptarynyń 100-den astam ókilderi úshin «Qazatomónerkásip» UAK» AQ-tyń qyzmeti jáne ınvestısııalyq áleýetimen tanystyrý rásimi ótti.
Qazaqstannyń Germanııadaǵy Elshisi Nurlan Onjanov óziniń kirispe sózinde sońǵy jyldardaǵy eki el arasyndaǵy tyǵyz saıası jáne ekonomıkalyq baılanystardyń arqasynda ekijaqty saýda-ekonomıkalyq yntymaqtastyqtyń «shıkizatty jańa tehnologııalar, ınnovasııa jáne ınvestısııaǵa aıyrbastaý» atty jańa formýlasyn iske asyrýǵa barynsha jaqsy jaǵdaı jasalǵanyn atap ótti. Bul týraly kelisimge 2012 jylǵy aqpanda Elbasy Nursultan Nazarbaevtyń Berlınge sapary barysynda qol jetkizildi.
О́z kezeginde «Qazatomónerkásip» UAK» AQ basqarma tóraǵasy Vladımır Shkolnık sońǵy kezde eki jaq ta Shıkizat, ónerkásip jáne tehnologııa salalaryndaǵy áriptestik týraly Qazaqstandyq-Germanııa úkimetaralyq kelisimin iske asyrý maqsatynda úlken jumys atqarǵandyǵyn atap ótti. Osy oraıda, ol nemis kásipkerlerin qazaqstandyq ulttyq kompanııalarmen nátıjeli qatynastar ornatý úshin sırek kezdesetin metall men balama qýat kózin óndirý men óńdeý salalaryndaǵy birqatar basym ınvestısııalyq jobalardy Qazaqstanda iske asyrý maqsatynda berilip otyrǵan múmkindikti belsendi paıdalanýǵa shaqyrdy.
Germanııa ekonomıkasy Shyǵys komıtetiniń atqarýshy dırektory Raıner Lındner óz sózinde nemis kásipkerleri men isker toptary Qazaqstannyń úlken ekonomıkalyq áleýeti men eldegi qolaıly ınvestısııalyq ahýal týraly, sondaı-aq, ońtaıly jumys jaǵdaıyn odan ári de jaqsartý maqsatynda Qazaqstan basshylyǵynyń jumsap otyrǵan kúsh-jigeri týraly jaqsy biletinin jetkizdi. Osy oraıda, nemis saıasatkeriniń aıtýynsha, ol Qazaqstan ekonomıkasynyń basym salalaryndaǵy birlesken jobalardy júzege asyrý týraly jańa kóptegen kelisimderge qol jetkiziletininen úmitti.
Iskerlik baılanystardy retteý maqsatynda tanystyrý rásiminiń sońynda eki el kásipkerleriniń qatysýymen Kooperasııalyq bırja, V2V pishinindegi kezdesýler jáne «Qazatomónerkásip» UAK» AQ basshysy V.Shkolnıktiń Bosch, Sms Siemag, Tropag, Rem, Cac Chemieanlagenbau Chemnitz, Blücher, Gwe, Evonik, Alphacon, Bae, Alstom jáne t.b. jetekshi nemis kompanııalarynyń basshylarymen, sondaı-aq, áleýetti nemis ınvestorlarymen ekijaqty kezdesýleri ótti.
«Egemen-aqparat».