Bilim jáne ǵylym mınıstri Aslan Sárinjipov UBT boıynsha joǵary kórsetkishke qol jetkizgen mektep dırektorlaryn quttyqtady. Oǵan túlekteri UBT-dan birneshe jyl qatarynan joǵary ball jınap júrgen on mektep dırektory qatysty.
«El ıgiligi úshin eń mańyzdy jumys atqaryp júrgen jansyzdar. Táýelsiz memlekettiń bolashaǵy sizderdiń qoldaryńyzda. Elbasy aıtqan damyǵan 30 eldiń qataryna qosylýdyń basty kepili – bilimdi urpaq tárbıeleý. Respýblıka boıynsha birneshe jyl qatarynan joǵary ball jınaǵan shákirtterdi oqytý arqyly sizder Elbasy bergen tapsyrmany oryndap kelesizder», dep atap ótti mınıstr.
Kezdesý tek quttyqtaý-tilekterden ǵana turǵan joq. Aslan Sárinjipov pedagogtardan búgingi bilim berý júıesi men birneshe jyl qatarynan qoǵamda úlken daýǵa aınalyp kele jatqan UBT jaıly oı-pikirlerin de surady.
«Búginde UBT týraly pikirler kóp. Alaıda, osy ádis engizilgen 11 jyl ishinde kózimniń jetkeni, on jyl oqyǵan bala bilimin kez kelgen jerde dáleldeı alady. UBT ustazdar úshin de, oqýshylar úshin de yńǵaıly. Degenmen, burynnan kele jatsa da, arasynda damyǵan elderdiń tıimdi tásilderinen sabaq alyp otyrý da artyqtyq etpeıdi», – dedi Almaty qalasyndaǵy №159 mektep-gımnazııasynyń dırektory Aıagúl Mırazova.
Sonymen qatar, ustazdar aýyl men qala mektepteri arasyndaǵy aıyrmashylyqty joıý, oqý-aǵartý júıesin halyqaralyq standarttarǵa saı reformalaýǵa qatysty oı-pikirlerin bildirdi.
«Egemen-aqparat».