«Jaıly mektep» ulttyq jobasy bıyl bastalady. Osylaısha úshinshi aýysymnan tolyqtaı qutylyp, mektepterdegi oryn tapshylyǵyn joıýǵa bolady. Qazirdiń ózinde 225 myńǵa jýyq oqýshyǵa oryn jetpeıdi, dep habarlaıdy Egemen.kz.
Jańa úlgidegi mektepter 2025 jyldyń sońyna deıin respýblıkamyzdaǵy qalalarda da, shalǵaı eldi mekenderde de salynady. Qurylysqa otandyq óndiristegi materıaldar qoldanylady.
Mektepterdi jobalaý Qazaqstannyń qoldanystaǵy normalaryna, Úkimet bekitken tehnıkalyq tapsyrmalary men bilim berý uıymdaryn salýdaǵy ozyq halyqaralyq tájirıbege negizdeledi. Ulttyq jobanyń biryńǵaı operatory – Samruk-Kazyna Construction kompanııasy.