Energetıkalyq tıimdilik úshin

Keshe Astanada el Úkimeti men Dúnıejúzilik bankiniń arasynda 21,7 mıllıon AQSh dollar somasyna Qazaqstannyń energetıkalyq tıimdiligin arttyrý jobasyn júzege asyrý týraly granttyq kelisimge qol qoıyldy. Atalǵan kelisimge Úkimet tarapynan Premer-Mınıstrdiń orynbasary –Indýstrııa jáne jańa tehnologııalar mınıstri Áset Isekeshev, al Dúnıejúzilik bank jaǵynan onyń Qazaqstandaǵy turaqty ókili Shebnem Akkaıa qol qoıdy. Shara barysynda Premer-Mınıstrdiń orynbasary – In­dýstrııa jáne jańa tehnologııa­lar mınıstri Á.Isekeshev jobany júzege asyrý kezinde el­diń barlyq oblystaryndaǵy mem­le­kettik, áleýmettik mańyzy bar nysandardyń jań­ǵyrtylýy josparlanǵanyn já­ne olardyń ishinde mektepter, bala­baq­shalar, aýrýhanalar men kóshe ja­ryqtandyrý jobalary da bar ekenin atap ótti. Sondaı-aq, qa­rajat ınstıtýttyq bazany jaq­sartýǵa jáne energetıka sala­syn qarjylandyrýdyń turaq­ty mehanızmderin qurýǵa baǵyttalmaq. DB-niń Qazaqstandaǵy tu­raq­ty ókili Sh.Akkaıa energetıkalyq tıimdilikti arttyrý úshin qolaıly jaǵdaılar qurýdaǵy Úkimet jetistikterin aıryqsha ataı kele, Dúnıejúzilik bank óz seriktesin jobany júzege asyrý barysynda álemdegi eń jaqsy tájirıbemen bólisý, ınstıtýttyq áleýetti damytý arqyly qoldaýǵa daıyn ekendigin jetkizdi. Atalmysh jobany iske asy­rý barysyn baqylaý men úıles­tirý Indýstrııa jáne jańa teh­no­logııalar mınıstrligine júk­teldi. Ábdirahman QYDYRBEK, «Egemen Qazaqstan».