Aqparattar aǵyny

● Jyl basynan óńdeý óner­ká­sibinde 35 mlrd. teńgeniń joba­laryn nesıeleý maquldandy. Olar 116 jobany quraıdy. Bul týraly málimdegen Ekonomıka jáne bıýdjettik josparlaý mınıstri Er­bolat Dosaev qazirge deıin 56 jo­banyń 6,6 mlrd. teńge qarjy alǵanyn da aıtty. ● Qazaqstannyń syrtqy saýda aınalymy jyl basynan beri 31,1 mlrd. dollarǵa jetti. Importtyń qysqarýy men eksporttyń ósýi ná­tıjesinde aǵymdaǵy operasııalar shotynyń profısıti ótken jylǵy birinshi toqsanmen salystyrǵanda, 2,5 esege ósip, 5,5 mlrd. dollardy quraǵan. ● Astana kúnin atap ótýge sha­ma­men 700 mln. teńge bólindi. As­tana qalalyq mádenıet basqar­ma­synyń basshysy Bolat Maja­ǵu­lov­tyń aıtýynsha, jyl saıyn bul shy­ǵyn­nyń kólemi qysqaryp keledi. ● Almatyda 5 aıda negizgi kapıtalǵa 146 mlrd. teńge ınvestısııa salyndy. Ońtústik megapolıstiń kásiporyndary men uıymdary ıgergen ınvestısııa úlesi respýblıkalyq kólemniń 7,9 paıyzy bolady. ● Qyzylordada «Altyn belgi» ıegerleri marapattaldy. Ulttyq biryńǵaı testileýde óz bilimderin dáleldegen 94 túlekke oblys ákimi Qyrymbek Kósherbaev «Altyn belgini» saltanatty túrde tabystady. Ol sonymen qatar, barlyq órenderge arnaıy tósbelgi taǵyp, noýtbýk syılady. ● Shyǵys Qazaqstan obly­synda ótken bes aıdyń qory­tyn­dysy shyǵaryldy.  Onyń qory­tyn­dysyna arnalǵan jıynda oblys ákimi Berdibek Saparbaev aımaqta áleýmettik-ekonomıkalyq kórsetkishter boıynsha ilgerileý oryn alǵanyn atap ótti. Tek taý-ken ónerkásibinde ǵana artta qalýshylyq kezdesti. Sol sııaqty Semeı qalasy men Glýbokoe aýdanynda nazar aýdaratyn tustar bar. Osyǵan oraı aımaq basshysy tıisti tulǵalarǵa naqty tapsyrmalar berdi. ● Ońtústiktiń Saryaǵash aýdanynda banan ósip, kıvı gúldedi. Jergilikti sharýalar jergilikti aýa raıynda tropıkalyq aımaqtarda ǵana kezdesetin ósimdikterdi ósire bas­tady. Aýdan tuqymbaǵyndaǵy kıvı, banan, anar, qurma, lımon sekildi óskinder bul jerdi jersingenin baıqatty. ● Qostanaıdyń Zatobolynda kondıterlik fabrıka salynyp jatyr. Oblystyń Qostanaı aýdanynda boı  kótergen bul nysan osy jyldyń qarasha aıynda iske qosylady. Onda nan-toqash jáne kondıterlik ónimder daıyndalady. Habarlar BNews.kz, Altaynews.kz, Alau.kz, Egemen.kz agenttikteri, Ońtústik Qazaqstan jáne Qyzylorda oblystyq ákimdikteri saıttarynyń derekteri boıynsha daıyndaldy.