Boksshylar Debresende dara shyqty

Majarstannyń shyǵysynda ornalas­qan, halyq sany boıynsha el astanasy Býdapeshtten keıingi qala Debresendegi týrnırde Qazaqstan quramasynyń 13 boksshysy sharshy alańǵa shyǵyp, to­ǵyzy júldegerler qatarynan kórindi. Álem jáne Azııa chempıonattarynan keıingi iri týrnırlerdiń biri sanalatyn ja­rysta jerlesterimiz aralas qurammen óner kórsetkenin aıta ketken jón. Olar­dyń jartysyna jýyǵy ulttyq qura­manyń ekinshi jáne úshinshi nómirli boks­shylary. Sondaı-aq Debresendegi týr­­nırde Serik Temirjanov, Aıbek Oral­­baı sekildi kóshbasshy jigitter de baq synady.

Jarys qorytyndysy boıynsha, 51 kılo salmaqtaǵy el chempıony, áskerıler arasyndaǵy álem birinshiliginiń kúmis júldegeri Damır Ábdiqadyr, byltyrǵy el chempıonatynyń qola júldegeri Dáýlet Moldashev (54 kg) jáne jastar arasyndaǵy Azııa chempıony, álem birin­shiliginiń qola júldegeri Ermahan Jak­pekov (71 kg) Majarstandaǵy týrnırdiń qola júldegeri atandy.

Al jarystyń fınalynda óner kórsetken alty jerlesimiz aqtyq báse­kede barlyq qarsylasyn tize búktirip, De­bresende myqtylyǵymen daralan­dy. Atap aıtar bolsaq, asa jeńil sal­maqtaǵy el birinshiliginiń birneshe dúr­kin jeńimpazy, 2021 jylǵy álem chem­pıony Temirtas Júsipov (48 kg) fınalda Qyrǵyzstan boksshysy Asylbek Amankýlýýlýnan aılasyn asyrsa, Ser­bııadaǵy álemdik dodanyń kúmis júl­degeri Serik Temirjanov (57 kg) 2022 jylǵy Eýropa chempıony belgııalyq Va­sıle Ýstýroıdi tóreshilerdiń biraýyz she­shimimen qapy qaldyryp, týrnır je­ńimpazy atandy. Sondaı-aq jas­tar arasyndaǵy Azııa chempıony, el birin­shiliginiń jeńimpazy Samatáli Tóltaev (60 kg) fınalda aýstralııalyq Fred Dz­zıvamen qolǵap túıistirip, aıqyn basym­dyqpen utty. Tipti jerlesimiz birinshi raýndta qarsylasyn nokdaýnǵa jiberdi. 75 kılodaǵy Aıatýlla Tákijanov Ýkraına ókili Ivan Papkınmen tartys­ty jekpe-jek ótkizip, tóreshilerdiń aralas sheshimimen jeńis tuǵyrynan kórindi. Al 67 kılodaǵy Dýlat Bekbaýov pen 92 kı­lodaǵy Aıbek Oralbaı jekpe-jeksiz-aq chempıon atandy. Olardyń fınaldaǵy qar­­sylastary rıngke shyǵýdan bas tartty.

Osylaısha, Qazaqstan ulttyq qura­masy 6 altyn, 3 qola júldemen jalpy­ko­mandalyq esepte kósh bastady. En­shisinde 10 medal (3 altyn, 3 kúmis,

4 qola) bar Ýkraına boksshylary ekinshi oryn­nan kórinse, Germanııa jeti medalmen (2 altyn, 2 kúmis, 3 qola) úzdik úsh­tikti túıin­dedi. Al О́zbekstan (1 altyn, 2 kúmis, 3 qo­la) men Qyrǵyzstan (1 altyn, 1 kúmis) boks­­shylary tórtinshi jáne besinshi orynǵa jaıǵasty.

Sonymen qatar Marokkodaǵy «Golden Belt Series Marrakesh» («Altyn belbeý») halyq­aralyq týrnırine qatys­qan elimizdiń qyzdar quramasy da jal­py­komandalyq esepte úzdik shyqty. Ma­rokkonyń Mar­rakesh qalasynda uıym­dastyrylǵan ha­lyqaralyq jarys­ta álemniń 34 eli­nen kelgen eń úzdik byl­ǵary qolǵap sheber­leri baq synady. Qazaqstan quramasy sa­pynan 12 burymdy boksshy óner kór­setip, 10 medal jeńip aldy.  Onyń ishinde beseýi – altyn, ekeýi – kúmis, úsheýi – qola.

Halyqaralyq týrnırde el qurama­synyń úzdikteri – Alýa Balqybekova (48 kg), Nazym Qyzaıbaı (50 kg), Jaı­na Shekerbekova (54 kg), Karına Ibra­gımova (57 kg) jáne Valentına Hal­zova (75 kg) altynnan alqa taǵynyp, qazaq eliniń Ánuranyn shyrqatsa, fınalda qarsylastaryna jol bergen Aıda Ábikeeva (63 kg) men Lázzat Kúngeıbaeva (+ 81 kg) kúmis medalǵa ıe boldy. Al Na­dejda Rıabes (66 kg), Mádına Nur­shae­va (70 kg) jáne Farıza Sholtaı (81 kg) qola júldegerler qatarynan kórindi.

О́kinishke qaraı, byltyrǵy Azııa chempıonatynyń qola júldegeri Jazıra Oraqbaeva (52 kg) men 2021 jylǵy sary qurlyq dodasynyń fınalısi Vladıslava Kýhta (60 kg) júldesiz qaldy.

Jalpykomandalyq esepte Reseı qura­­masy eki altynmen ekinshi orynǵa ıe bolsa, bir márteden jeńis tuǵyryna kó­terilgen Italııa, Taıvan, Mozambık jáne Marokko quramalary keıingi oryndardy ózara bólisti.