Qorǵanys mınıstri, general-polkovnık Rýslan Jaqsylyqov Almatydaǵy Qurlyq áskerleriniń áskerı ınstıtýtynda ardagerlermen kezdesti. Basqosýǵa Ortalyq keńes músheleri, «Qarýly kúshterdiń ardagerleri» respýblıkalyq qoǵamdyq birlestiginiń oblystyq fılıaldarynyń tóraǵalary, UQK Shekara qyzmeti men Ulttyq ulannyń ardagerler qoǵamynyń ókilderi qatysty.
Mınıstr Qarýly kúshter áskerı qyzmetshileri men azamattyq personaldyń aqshalaı úlesin tóleýdegi ózgerister jaıly aıtty. Bıyldan bastap ushý quramynyń laýazymdyq jalaqysy kóteriledi. Áskerı medısına qyzmetkerleri men áskerı joǵary oqý oryndarynyń azamattyq oqytýshylarynyń aqshalaı úlesin azamattyq beıindegi mekemelerdiń jalaqy deńgeıine deıin arttyrý múmkindigi qarastyrylyp jatyr.
2023 jyl ishinde IIM Ulttyq ulanymen uqsastyǵy boıynsha TJ saldaryn joıý kezinde áskerı qyzmetshilerge úsh eselengen aqshalaı qarajat mólsherinde tólemdi arttyrý da kózdelgen. Qorǵanys vedomstvosynyń basshysy 2024 jyldan bastap qatardaǵy jaýyngerler men serjanttyq quramdar laýazymdarynyń tarıftik sanattaryn jáne áskerı ataǵy boıynsha áskerı qyzmetshilerdiń jalaqylaryn 30%-ǵa arttyrý josparlanǵanyn alǵa tartty.
Sonymen qatar general-polkovnık Rýslan Jaqsylyqov ardagerlerdi Úkimet deńgeıinde áskerı qyzmetshilerdi zeınetaqymen qamsyzdandyrýdy jetildirý boıynsha júrgizilip jatqan jumystar týraly habardar etti.
Kelisimshart merzimi ótkennen keıin áskerı qyzmetten bosatylǵan 25 jyl jáne odan joǵary qyzmet ótili bar áskerı qyzmetshilerge zeınetaqy tólemderin berý, 2016 jylǵy 1 qańtardan keıin qyzmetten bosatylǵan áskerı qyzmetshilerge memlekettik bazalyq zeınetaqy tólemin taǵaıyndaý, zeınetaqy tólemderin alýshylardyń MJZQ-dan zeınetaqy jınaqtarynyń qaldyǵyn qandaı da bir shekteýsiz paıdalaný quqyǵy jan-jaqty pysyqtalýda.
Usynystar paketinde 1998 jyldyń 1 qańtarynan keıin qyzmetke shaqyrylǵan jáne 2016 jyldyń 1 qańtaryna deıin jumystan shyǵarylǵan áskerı zeınetkerlerge zeınetaqyny ındeksteý ótinish bergen sátten emes, qyzmetten bosatylǵan kúnnen bastap esepteý qarastyrylǵan.
Kezdesý barysynda atap ótilgendeı, elimizdiń Qarýly kúshterin qurýdyń bastaýynda turǵan ardagerler armııada bolyp jatqan ózgeristerdi jáne azamattardy áskerı-patrıottyq tárbıeleý máselelerin nazardan tys qaldyrǵan emes.
– Armııa mektebinen ótken ardagerler áskerı qyzmetti belsendi túrde nasıhattap keledi. Olar azamattardy áskerge shyǵaryp salýǵa, mektepterdegi erlik sabaqtaryna, Táýelsiz Qazaqstan Qarýly kúshteri tarıhynyń mańyzdy kúnderine arnalǵan áskerı-patrıottyq aksııalar men is-sharalarǵa qatysyp, urpaqtar sabaqtastyǵyn nyǵaıtýǵa yqpal etip keledi, – dep atap ótti general-polkovnık Rýslan Jaqsylyqov.
«Qarýly kúshterdiń ardagerleri» RQB tóraǵasy Halyq qaharmany, armııa generaly Muhtar Altynbaev ardagerler áskerı bólimderdiń qoǵamdyq ómirine jáne óskeleń urpaqty áskerı-patrıottyq tárbıeleýge belsendi qatysatynyn atap ótti. Olar árqashan ózderiniń ómirlik jáne qyzmettik tájirıbelerimen bólisýge daıyn.
Kezdesýde ardagerler Qorǵanys mınıstrliginiń áskerı qyzmettiń bedelin arttyrýǵa baǵyttalǵan bastamalaryna oń baǵa berdi. Ardagerler bilim berý jeńildikteri, nesıelik «demalys», sarbazdar analarynyń uıymdarymen baılanystardy keńeıtý, áskerdegi mańyzdy oqıǵalar týraly qoǵamdy keńinen habardar etý Qarýly kúshterdiń ımıdjin nyǵaıtý úshin jumys istep jatqanyn atap ótti.
Kezdesýge qatysýshylar azamattardy áskerı-patrıottyq tárbıeleý, Otan qorǵaýshy mártebesin kóterý, áskerı qyzmetshiler men áskerı zeınetkerlerdi áleýmettik qorǵaýdy jetildirý máseleleri boıynsha usynystaryn bildirdi.