Sınoptıkterdiń boljaýynsha, aldaǵy úsh kúnde Qazaqstanda qar jaýady, dep habarlaıdy Egemen.kz «Qazgıdromet» RMK-ǵa silteme jasap.
«Atlantıkalyq sıklon Qazaqstan aýmaǵy boıynsha batystan shyǵysqa qaraı aýysady, osyǵan baılanysty jumys aptasynyń basynda bultty bolady. Elimizde kóktaıǵaq kútiledi», delingen habarlamada.
Sınoptıkterdiń boljaýynsha, 16 aqpanda Túrkistan, Jambyl oblystarynda qatty jaýyn-shashyn (jańbyr, qar) jaýady. Tek respýblıkanyń soltústiginde joǵary qysymdy óristiń áserinen jaýyn-shashynsyz aýa raıy saqtalady. Batysta, ońtústikte keı jerlerde jel kúsheıedi. Temperatýra fonynda aıtarlyqtaı ózgerister kútilmeıdi.