Dýbaı týrısterge arnalǵan ushatyn elektrlik taksılerdi daıyndap jatyr. Jańa kólikter 2026 jyly qyzmet kórsete bastaıdy, dep habarlaıdy Egemen.kz.
BAÁ-men Brazılııalyq Embraer avıakompanııasyna tıesili Eve Holding kompanııasy arasynda 35 aerotaksıdi jetkizý týraly kelisimge qol qoıylǵan. Bul joba Dýbaıdyń qalalyq áýe kóligi salasyndaǵy álemdik kóshbasshyǵa aınalýyna yqpal etedi.
Eve qazirdiń ózinde 1825 ushaq jasaýǵa tapsyrys alǵan jáne alǵashqy mashınany 2026 jyly iske qosady. Aıta ketý kerek, Airbus jáne Boeing ónerkásiptik alyptary eVTOL óndirisine belsendi ınvestısııa salyp jatyr.
2021 jyldyń jeltoqsanynda Dýbaıda Brıtandyq Bellwether Industries kompanııasy jasaǵan ushatyn eki oryndy kólikke alǵashqy synaq reısteri sátti ótken bolatyn. Qashyqtan basqarylatyn taksı tórt metr bıiktikte shamamen 40 km/saǵ jyldamdyqpen birneshe reıster jasaǵan. Bolashaqta kompanııa tórt oryndy ushatyn kólikti naryqqa shyǵarýdy josparlap otyr. Ol 217 km/saǵ jyldamdyqpen ushady, al ushý bıiktigi 900 metrge jetedi. Bir batareıa zarıadynyń ushý ýaqyty 90 mınýtqa deıin bolady.
Ushatyn kólikter 2028 jylǵa qaraı satylymǵa shyǵady dep josparlanǵan. Ony jeke kólik nemese taksı retinde paıdalanýǵa bolady.