Tennısten «Devıs kýbogi» básekesiniń birinshi álemdik tobynda baq synaıtyn quramalardyń jerebesi tartylyp, kúz mezgilinde ótetin elektik oıyndaǵy Qazaqstan quramasynyń qarsylasy anyqtaldy.
Jerebe qorytyndysy boıynsha, Iýrıı Shýkınniń shákirtteri joǵary toptaǵy ornyn saqtap qalý úshin birinshi álemdik tobynyń jeńimpazy Bolgarııamen syrt alańda kezdesetin boldy. Osyǵan deıin eki quramanyń joldary atalǵan týrnırde túıispegen. Match osy jyldyń 16-17 nemese 17-18 qyrkúıek kúnderi ótedi dep josparlanǵan. Jeńiske jetken qurama 2024 jyldyń aqpanynda komandalyq álem chempıonatynyń irikteý matchyna qatysady.
Qatarynan úsh márte «Devıs kýboginiń» fınalyna shyqqan Qazaqstannyń erler quramasy bıylǵy irikteý saıysynda Chılı quramasyna ese jiberip, 2023 jylǵy fınaldyq kezeńnen tys qalǵan bolatyn. La Serena qalasyndaǵy qumdaýyt kortta ótken matchta Chılı tennısshileri jerlesterimizden 3:1 esebimen basym tústi.
Al Bolgarııa quramasy birinshi álemdik topta Jańa Zelandııa jigitterin dál sondaı eseppen qapy qaldyrǵan. 3:1 esebimen jeńgen soń, álemdik reıtıngte birden 15 oryn joǵarylap, 41-satyǵa jaıǵasty.