Saıası doda qarsańynda qoǵamdyq alańǵa monıtorıng júrgizgen «Adal saılaý úshin» shtaby jaqynda osy saraptamanyń nátıjesin jarııalady. Sondaı-aq shtab músheleri aldaǵy Májilis pen máslıhat depýtattarynyń saılaý naýqany aldyndaǵy ahýal týraly oı-pikirlerimen bólisti.
BAQ ókilderine arnalǵan baspasóz brıfınginde shtab basshysy Serik Aqylbaı kezekten tys saılaýǵa daıyndyq jáne ony ótkizý jónindegi negizgi is-sharalardyń kúntizbelik josparyna jan-jaqty toqtaldy.
– 18 aqpan kúni saǵat 18:00-de kandıdattar men partııalyq tizimderdi tirkeý aıaqtalady. Depýtattyqqa kandıdat eń aldymen saılaý quqyǵyna ıe bolýy kerek. Sot áreketke qabiletsiz dep tanyǵan, sondaı-aq sot úkimi boıynsha bas bostandyǵynan aıyrý oryndaryndaǵy azamattardyń saılanýǵa quqyǵy joq. Parlament Májilisiniń depýtattyǵyna kandıdat sońǵy 10 jylda elimizde turaqty turatyn, 25 jasqa tolǵan Qazaqstan azamaty bola alady, – dep shtab basshysy kandıdatqa qoıylatyn talaptardy túsindirip ótti.
S.Aqylbaı júrgizilgen monıtorıng nátıjeleri boıynsha okrýgtik saılaý komıssııasyna kandıdattyń Qazaqstan aýmaǵynda sońǵy 10 jyl boıy turaqty turý sáıkestigin anyqtaý qıynǵa soqqanyn málimdedi. Onyń aıtýynsha, mundaı derekter kóshi-qon qyzmetiniń tarapynan rastalmaǵan. Al zańnama boıynsha saılaý komıssııalary ókiletti organdardan alynǵan málimetterdi qaıta tekserýge quqyly emes.
«Quqyqtyq negizde turaqty turýdyń zańdy faktisin rastaý jáne anyqtaý tek sot tártibimen anyqtalady. Osyǵan oraı sot sheshiminiń negizinde okrýgtik saılaý komıssııasy sheshimin qaıta qarap, kandıdattyń Parlament Májilisiniń depýtattyǵyna kandıdattarǵa qoıylatyn talaptarǵa sáıkestigin anyqtady», dep atap ótti S.Aqylbaı.
Sondaı-aq shtab múshesi Ábdikárim Aqjanov partııalyq tizimder boıynsha da, bir mandatty okrýgter boıynsha da depýtattyqqa kandıdattar zań erejelerin basshylyqqa alýǵa mindetti ekenin, óıtkeni depýtattar zań shyǵarý jáne memlekettik sheshimder qabyldaý salasynda jaýapkershilik júktemesin kóteretinin alǵa tartty. Zańger Dýman Janpeıisov saılaý zańnamasynyń yqtımal buzýshylyqtardyń túrlerin, onyń ishinde úgit-nasıhat kezeńiniń bastalýyna deıin úgit materıaldaryn ornalastyrý, saılaý kúni jáne onyń aldynda úgit materıaldaryn ornalastyrý týraly aıtty.
Is-shara sońynda «Adal saılaý úshin» shtabynyń basshysy Serik Aqylbaı depýtattyqqa kandıdattar men partııalardy saılaý naýqanyn zań sheńberinde júrgizýge shaqyrdy.