Birneshe aıǵa úziliske shyqqan fýtboldan Chempıondar lıgasynyń matchtary qaıta jalǵasty. Pleı-off kezeńiniń alǵashqy oıynynda PSJ – «Bavarııa», «Mılan» – «Tottenhem» klýbtary kezdesti.
1/8 fınal kezeńiniń ortalyq oıynynda Germanııanyń «Bavarııasy» Parıjge sapar shegip, jergilikti PSJ komandasynan basym tústi – 1:0. 48 myń jankúıerge arnalǵan «Park de Prens» stadıonyndaǵy matchtyń taǵdyryn oıynnyń 53-mınýtynda «Bavarııa» shabýylshysy, PSJ klýbynyń tárbıelenýshisi Kıngslı Koman sheshti. Fýtbol jankúıerleriniń esinde bolsa, atalǵan týrnırdiń 2020 jylǵy fınalynda da Kıngslı Koman óziniń burynǵy komandasyna gol soǵyp, «Bavarııaǵa» jeńis syılaǵan bolatyn. PSJ sapynda óner kórsetetin byltyrǵy álem chempıony Lıonel Messı de, kúmis júldeger Kılıan Mbappe de, tipti myqtylar sanatyndaǵy sheber oıynshy Neımar da bul matchta komandasyn jeńilisten qutqaryp qala almady.
Qatar ótken ekinshi matchta Italııanyń byltyrǵy chempıony «Mılan» óz alańynda aǵylshynnyń «Tottenhemin» qabyldap, 1:0 esebimen tize búktirdi. Oıyndaǵy jalǵyz ári jeńis golyn 7-mınýtta Braım Dıas soqty. Qarymta matchtar 9 naýryzǵa josparlanǵan.