Jaýyngerdiń tárbıe álippesi

О́skeleń urpaqty áskerı tárbıege bala kezden baýlýdyń mańyzy zor. Ási­rese qolynan gadjet túspeıtin tehno­kra­tııa dáýiriniń jetkinshekterine pat­rıottyq tárbıe aýadaı qajet. Osy ba­ǵyt­ta qurylǵan «Qaharman urpaq» qoǵam­dyq qory bilim basqarmalarymen óz­ara memorandým negizinde mektep oqý­­­shylaryn eljandylyqqa tárbıelep júr.

Urpaq rýhyn oıatatyn áskerı-pat­rıottyq ánder áýelep, qıly kezeń­de qyrshyn ketken batyrlardyń jaýyn­gerlik jolyn úlgi etken osyndaı ıgi joba­nyń biri Almaty qalasyndaǵy №61 jal­py bilim beretin orta mektepte jal­ǵasyn tapty. Mektep ishinen qurylǵan patrıottyq klýb ókilderi saptyq júris, qarý-jaraqty shapshań túrde qurastyrý, qoıan-qoltyq jekpe-jek syndy alǵashqy áskerı daıarlyq sabaǵynda meńgergen mashyqtaryn ortaǵa saldy. Is-sharaǵa arnaıy shaqyrylǵan Tájik-Aýǵan she­ka­rasyndaǵy urys qımyldardyń qaty­sýshylary men Aýǵan soǵysynyń ardagerleri oqýshylarǵa patrıottyq tárbıeniń negizderi, beıbit kúnniń qadiri, áskerı tárbıeniń artyqshylyqtary tóńireginde dáris oqydy.

– Prezıdentimiz Qasym-Jomart Toqaev: «Elimizdiń árbir azamaty jurt­shylyqtyń aldyna shyqqanda ulttyq múdde men qazaqstandyq patrıotızm qaǵıdattaryn basshylyqqa alýy kerek» degen bolatyn. Al jas urpaqty eldik muratqa baýlý aǵa býynnyń bo­ryshy. Bizdiń patrıottyq klýby­myz bul ba­ǵyt­ta júıeli jumys atqaryp keledi. Mem­leketimizdiń negizgi qundy­lyqtaryn, áskerı tarıhyn, júrip ótken jolyn kez­desý barysynda jastarǵa udaıy aıtyp otyramyz. Mundaıda oqýshylar­­dyń kózinde ushqyn paıda bolyp, jigeri arta túsetinin baıqaımyz. Olar bolashaq­ta qandaı salada qyzmet etse de mektep qa­byrǵasynda meńgergen patrıottyq tárbıeniń paıdasyn kóredi, – deıdi Qazaqstan Qarýly Kúshteri jáne Tájik-Aýǵan shekarasyndaǵy urys qımyldar ardageri, «Qaharman urpaq» qoǵamdyq qorynyń dırektory Arman Arynhanov.

Áskerı-patrıottyq klýb músheleri 1985 jyly ózderi oqıtyn mektepten qanat qaǵyp, Tájik-Aýǵan shekara­synda erlikpen qaza tapqan Mıhaıl Maı­boradany iltıpatpen eske aldy. Mektep dırektory Gúlmıra Myrzahmetovanyń aıtýynsha, áskerı ómirdiń aınasyna aınalyp, erligi úshin halyq batyry atanǵan jaýyngerdiń esimin keıingi býyn maqtan tutady. Ol 1993 jyly jıyrma beske endi tolǵan shaǵynda ózi basqaratyn zastavadaǵy 25 serigimen birge oqqa ushqan. Búgingi tańda Almaty­nyń Túrksib aýdanynda onyń esimimen atalatyn kóshe bar.

ALMATY