Búgin Fılıppınde magnıtýdasy 6,0 bolatyn jer silkinisi boldy. Bul týraly Fılıppınniń výlkanologııa jáne seısmologııa ınstıtýty málimdedi, dep habarlaıdy Egemen.kz.
Jerasty dúmpýleri jergilikti ýaqyt boıynsha 02:10-da tirkelgen, oshaǵy Lýson aralyndaǵy Masbate provınsııasynyń Batýan qalasynan ońtústik-batysqa qaraı 11 shaqyrymdaı jerde 10 shaqyrym tereńdikte bolǵan.
Zilzala Lýson men Fılıppınniń ortalyq bóliginde, sonyń ishinde Albaı provınsııasyndaǵy Legaspı qalasynda, Sorsogon, Soltústik Samar, Batys Negros jáne Ońtústik Leıtede de sezildi.
Zardap shekkender men qıraýlar týraly aqparat túsken joq.
AQSh geologııalyq qyzmeti jer silkinisiniń magnıtýdasy 6,1, tereńdigi 20 km dep baǵalady.