Almatydaǵy Respýblıkalyq fızıka-matematıka mektebinde ótken XIX halyqaralyq Jáýtikov olımpıadasyna álemniń 20-dan astam elinen oqýshylar qatysty.
On kún boıy 281 komanda matematıka, fızıka jáne ınformatıka páni boıynsha synǵa tústi. Qazaqstan quramynda qatysqan 35 komandanyń 250 múshesi Qazaqstan, Ázerbaıjan, О́zbekstan, Reseı, Grýzııa, Rýmynııa, Serbııa, Ýkraına, Úndistan, Túrkııa, Ulybrıtanııa jáne basqa da elderdiń fızıka-matematıka baǵytyndaǵy mamandandyrylǵan mektepterinen kelgen myńnan astam oqýshymen baq synasty.
Respýblıkalyq fızıka-matematıka mektebiniń basqarma tóraǵasy Rýslan Qalıevtiń aıtýynsha, halyqaralyq Jáýtikov olımpıadasynyń jyldan-jylǵa tanymaldyǵy artyp keledi. Olımpıada kezinde qatysýshylar kúrdeli matematıkalyq esepterdi sheshedi. Zııatkerlik konkýrstar olardyń bilimin tereńdetip qoımaı, komandada jumys isteýge, dostyq qarym-qatynastaryn nyǵaıtýǵa yqpal etedi.
Olımpıada qorytyndysy boıynsha Qazaqstan oqýshylary júlde qoryndaǵy 487 medaldiń 66-syna, ıaǵnı 6 altyn, 20 kúmis jáne 40 qolaǵa ıe boldy. Bul medalderdiń 14-i Respýblıkalyq fızıka-matematıka mektebi oqýshylarynyń enshisine tıdi. Jeńimpazdarǵa arnaıy syılyqtar men bilim granttary berildi.
ALMATY