Sársenbiden beısenbige qaraǵan túni Chempıondar lıgasynyń pleı-off kezeńindegi taǵy eki match oınaldy.
Osy týrnırdiń 2021 jylǵy jeńimpazy «Chelsı» (Anglııa) 1/8 fınaldaǵy alǵashqy kezdesýin syrt alańda «Borýssııa D» (Germanııa) komandasymen ótkizip, 1:0 esebimen jeńilip qaldy. Matchtyń esebin birinshi bolyp qonaqtar ashqanymen, bas tóreshi Tıago Sılvanyń golyn eseptemeı tastady. Al ekinshi taımda «Borýssııa» sapynan mergendik tanytqan 21 jastaǵy shabýylshy Kárim Adeıemı komandasyna jeńis syılady.
Al qatar ótken ekinshi matchta Portýgalııanyń «Benfıkasy» Belgııada jergilikti «Brıýgge» klýbyn esh qıyndyqsyz tize búktirdi – 2:0. Oıynnyń 51-mınýtynda Joaý Marıý 11 metrlik aıyp dobyn sátti oryndasa, matchtyń aıaqtalýyna eki mınýt qalǵanda Davıd Neres esepti 2:0-ge jetkizdi. Qarymta matchtar 8 naýryzǵa josparlanǵan.