Eńbek jáne halyqty áleýmettik qorǵaý mınıstri Tamara Dúısenova men «Qazaqstan halqyna» qoǵamdyq áleýmettik qorynyń tóraǵasy Bolat Jámishev el óńirlerinde múgedektigi bar balalarǵa arnalǵan tehnıkalyq ońaltý quraldary parkterin ashý máselelerin talqylady.
Keńeske Densaýlyq saqtaý vıse-mınıstri Beıbit Esenbaev, Eńbek jáne áleýmettik qorǵaý komıteti tóraǵasynyń orynbasary Anarhan Dúısenova, «Qamqorlyq qory» korporatıvtik qory dırektorynyń orynbasary Gúlmıra Ábildınova qatysty.
Kelissózder barysynda Tamara Dúısenova múgedektigi bar balalarǵa ońaltý quraldarynyń zamanaýı jáne kúrdeli túrlerin ýaqytsha paıdalaný múmkindigin berý úshin tehnıkalyq ońaltý quraldary parkterin ashýdyń mańyzyn atap ótti.
«Búgingi tańda Qazaqstanda 104,3 myń múgedektigi bar bala turady. Onyń ishinde 7 jasqa deıingi 33,7 myń bala, birinshi toptaǵy múgedektigi bar 11,1 myń bala jáne 7 jastan 18 jasqa deıingi ekinshi toptaǵy múgedektigi bar 22,7 myń bala bar. Bul balalarǵa 27 medısınalyq-áleýmettik mekemede ońaltý qyzmetteri usynylady. OTQ parkterin qurý ońaltý quraldarynyń zamanaýı, qymbat túrlerine qoljetimdilikti keńeıtýge múmkindik beredi», dep atap ótti mınıstr.
О́z kezeginde Bolat Jámishev «Qazaqstan halqyna» qory OTQ parkterin jaraqtandyrý úshin qarjylaı qoldaý kórsetýge daıyn ekenin aıtty.
Talqylaý nátıjesinde taraptar 2023 jyly atalǵan parkterdi qurý boıynsha qanatqaqty jobany iske asyrý qajettigi týraly sheshim qabyldady. Jobany pysyqtaý úshin birlesken jumys toby qurylyp, tıisti vedomstvo egjeı-tegjeıli jol kartasy men qajetti normatıvtik-quqyqtyq aktilerdi ázirleıdi. Jaqyn arada qanatqaqty jobanyń operatoryn anyqtaý jáne qolaıly alańdar qurylatyn óńirlerdi naqtylaý josparlanyp otyr. Atalǵan joba aıasynda OTQ qajettilikterin baǵalaý jáne durys irikteýdi júrgizý boıynsha jumys isteıtin mamandardy qazirgi zamanǵy halyqaralyq qaǵıdattarmen oqytý uıymdastyrylady.