Shyńǵystaýda Qunanbaı týraly fılm túsiriledi

Shyǵys Qazaqstan oblysynyń Abaı aýdanynda Qunanbaı týra­ly kórkem fılm túsiriletin bol­dy. Bul jóninde Semeı qala­sy mádenıet jáne tilderdi damy­tý bóliminiń bastyǵy Berik Kópbaev málimdedi. Qazaq halqynyń uly aǵartýshysy, hakim Abaıdyń ákesi týraly fılm bıylǵy shilde men qyrkúıek aralyǵynda Qara­ýyl janyndaǵy Qarashoqyda túsiril­mek. Túsirý jumystaryna qajetti qar­jy memleket tarapynan bólinedi. Berik Kópbaevtyń aıtýynsha, Semeı qalasy túsirý jumystaryna kem degende 20 kıiz úı tigetin bolady. Al túsirý alańyna bar­lyǵy 150 kıiz úı qajet. Fılm­niń kınorejısseri belgili akter Dosqan Joljaqsynov. Ol osy­ǵan deıin «Birjan sal» kórkem fıl­mine jetekshilik etip, basty rólde oınaǵan bolatyn. Oblys ákimdiginiń selektorlyq oty­ry­syn­da fılmdi túsirý bary­syn­daǵy jumys kólemi jáne qajetti tehnıkamen qamtama­syz etý, óńir­degi, aýdandardyń tarapynan kór­setiletin kómek jaǵy qaralady. – 1 shildede Qarashoqyda ob­lys­­tyń barlyq aýdandarynyń ókil­deri jınalady. Túsirý ju­mys­tary arýaqtarǵa baǵyshta­lyp as berilgennen keıin bas­ta­latyn bolady. Jalpy, bul fılm birneshe serııadan turýy múmkin, – dedi Berik Kópbaev. Fılmge jetekshi akterler quramymen birge jergilikti ártister de qatystyrylmaq. Dýman ANASh, «Egemen Qazaqstan». Shyǵys Qazaqstan oblysy.