HALYQTYQ SPORT OIYNDARY – BIRLIK BASTAÝY

Batys Qazaqstan oblysynda el Prezıdentiniń júldesi úshin IV halyqtyq sport oıyndary bas­tal­dy. Jarys­qa oblystyń barlyq 12 aýdany­nan jáne Oral qalasynan koman­dalar qatysýda. Sportshy­lar­dyń jalpy sany myń ja­rymnan asady. Saı­ys­tar voleı­bol, shaǵyn fýtbol, toǵyzqu­malaq, doıby, shahmat, kir tasyn kóterý, qol kúresi, qazaq kúresi, ústel tennısi, jazǵy pre­zıdenttik kópsaıys, otbasylyq jarystar, bılıard jáne sambo kúresi boıynsha júrýde. – Sharanyń basty maqsaty – ha­lyq oıyndaryn kópshilikke ta­ra­tý jáne damytý. Ásirese, ot­b­a­sy­lyq jarystar bútin bir sha­ńy­raqty sportqa den qoıýǵa je­te­leı­di. Osyndaı jarystardy kóp ót­kizý arqyly sportpen aı­nalysa­tyn kópshiliktiń qataryn art­ty­rýǵa bolady. Buqaralyq sport pen halyqtyq oıyndar Qazaqstandy mekendeıtin ult pen ulystar ara­syndaǵy dostyqtyń nyǵaıa túsýine sep­tigin tıgizeri sózsiz, – deıdi Ba­tys Qazaqstan oblystyq tý­rızm, dene shynyq­tyrý jáne sport basqarmasynyń bólim bas­tyǵy Turarbek Bek­arys­tanov. – Buǵan deıin ár aýdanda irikteý oıyn­dary ótken bolatyn. Osy se­bep­ti munda eń myqty komandalar qatysýda. Bul jarystarda júlde al­ǵandar shilde aıynyń 3-6 kún­deri ótetin respýblıkalyq IV ha­lyq sporty oıyndaryna qaty­sa­dy. Oraıy kelgende aıta keteıik, el Prezıdenti júldesi úshin jú­re­tin respýblıkalyq saıys Oral qalasynda ótedi. Sonymen, barlyq sport baza­larynda bir mezgilde birneshe saı­ys túrleri bastalyp ta ketti. Ob­lys­tyq mamandandyrylǵan olım­pıadalyq rezervtegi bala­lar men jasóspirimderdiń mektebi sport zalynda keshe  Tasqala men Jańa­qala aýdandarynyń koman­dalary voleıboldan kúsh synas­ty. Nátı­jesinde 2:1 esebimen Jańaqala komandasy jeńiske jet­ti. Biz osy jeńimpaz koman­da­nyń kapıtany Tımýr Baıte­novpen tildesken edik. – Bizdiń aýdanymyzda sport­tyq sharalarǵa óte jaqsy kóńil bólinedi. Turǵyndar arasynda sport­pen aınalysatyndar kóp. Komandamyz aýdandaǵy jarysta da aıqyn basymdyqpen jeńiske jetken edi. Endi oblystyq jarys­ta da júldeli orynnan kórinemiz be degen úmit bar. Osyndaı halyq­tyq oıyndar­dyń jıi ótkeni du­rys. Sonda jastardyń sportqa de­gen qyzyǵý­shylyǵy artady, – deıdi ol. Qyzý júrip jatqan saıysta ózge etnos ókilderi de kózge kóp sha­lyndy. Tasqala aýdanynan kel­gen Sergeı Obrazkov otbasyndaǵy tórtinshi bala eken. – Meniń qazaq dostarym kóp. Olarmen osy voleıbolmen aına­ly­sa bastaǵannan tanystym. Uı­ym­shylmyz. Bir otbasynyń bala­laryndaı tatýmyz. Biraz jyldan beri jeńisti de, jeńilisti de birge kórip kelemiz. Búgingi kezdesý biz­diń paıdamyzǵa sheshilmedi. Biraq, júldeli oryndardan úmittimiz, – deıdi Sergeı Obrazkov. Halyqtyq sport oıyndarynyń ashylý saltanaty erteń ótedi dep kú­tilýde. Biz oqyrmandardy aldaǵy nómirlerdiń birinde onyń ótý barysymen tanystyratyn bolamyz. Temir QUSAIYN. ORAL.