О́zara senimge negizdelgen jaqyn qarym-qatynas kórinisi

Sadaǵań keteıin, aınalaıyn halqym! Seniń múddeń jolynda boıdaǵy qýat, oıdaǵy nárdiń bárin sarp etýge beıilmin.

Nursultan NAZARBAEV.

Memleket basshysy Nursultan Nazarbaev elimizge jumys saparymen kelgen Iordanııa Koroli Abdalla II-men kezdesti, dep habarlady Prezıdenttiń baspasóz qyzmeti. Kezdesý barysynda saýda-eko­nomıkalyq, ınvestısııalyq, ǵylymı-tehnıkalyq jáne máde­nı-gýmanıtarlyq salalardaǵy ekijaqty yntymaqtastyqty odan ári damytý  perspektıvalary talqylandy. Nursultan Nazarbaev pen Abdalla II kún tártibindegi halyqaralyq ózekti máseleler jóninde de pikir almasty. Qazaqstan Prezıdenti eki el jáne olardyń basshylary arasynda ózara senimge negiz­delgen jaqyn qarym-qatynas qalyptasqanyn aıtty. Bul rette ol Iordanııanyń  jalpy Taıaý Shyǵysta mańyzdy ról atqa­ratynyn atap ótti. Abdalla II Qazaqstanǵa kelýge shaqyrtýy úshin alǵysyn aıtty, sondaı-aq, elimizdiń kóp jyldar boıǵy, sonyń ishinde sırııalyq bosqyndar máselesi boıynsha kórsetken qoldaýy úshin Nursultan Nazarbaevqa Iordanııa halqy atynan rızashylyǵyn bildirdi. Eki memleket basshylary ózara yqpaldastyqtyń áleýetin júzege asyrýdyń mańyzdylyǵyn atap ótip, osy baǵytta basym­dyǵy bar birqatar sharalardy qarastyrdy.