Aleksandrııadaǵy balýandar beldesýi

Bıyl 34-shi márte ótkeli tur­ǵan Aleksandrııadaǵy dúbirli do­dada tórt qurlyqtaǵy 48 el­diń eń myqty degen 466 balýany bas júlde úshin beldesedi. Atap aıtqanda, erkin kúresten – 184, grek-rım kúresinen – 149, áıelder kúresinen 133 sportshy túrli-tústi medaldardy sarapqa sa­lady. Olardyń qatarynda Qa­zaqstan ulttyq quramasynyń balýandary da bar.

Sportty damytý dırek­sııa­­synyń málimeti boıynsha My­syrdaǵy baıraqty dodada el namysyn jýyrda ǵana Ala­taý baýraıynda máresine jet­ken spartakıadada úzdik shyq­qan balýandar qorǵamaq. Má­selen, áıelder kúresinen 55 kı­lo­daǵy jarys jeńimpazy Ma­rına Sedneva, 59 kıloda úz­dik shyqqan Dıana Kaıýmova, 62 kılo salmaq dárejesindegi je­ńimpaz Irına Kýznesova, 68 kı­loda jýyrda ǵana úlken sport­qa oralyp, spartakıadada top jarǵan 2008 jylǵy Beıjiń Olım­pıadasynyń qola medal ıegeri, álem chempıonattarynyń úsh dúrkin júldegeri, 2010 jyly Azııa oıyndarynyń jeńimpazy, qur­lyq birinshiliginde bes ret (2 altyn, 2 kúmis, 1 qola) jeńis tu­ǵyryna kóterilgen Elena Sha­lygına, 76 kıloda Rıo Olım­pıadasynyń qola júldegeri, Azııa chempıony El­mıra Syzdyqova jáne Azııa chempıonatynyń tórt márte qola júldegeri Gúlmaral Erkebaeva beldesedi.

Erkin kúresten – Rahat Qal­jan, Abzal О́kenov, Erasyl Muh­­taruly (57 kg), Nurbolat Áb­dýa­lıev, Vladımır Kýdrın (61 kg), Sanjar Muhtar, Ilııas Aman­jolov, Tımýr Aıtqulov (65 kg), Dosjan Ásetov, Azamat Sha­ǵap­uly (70 kg), Darhan Esen­ǵalı, Nurlan Bekjanov, Qanat Musabekov (74 kg), Bolat Saqaev (79 kg), Islambek Ilııasov (86 kg), Rızabek Aıtmuhan (92 kg), Bekzat Úrkimbaı, Serik Baqythanov (97 kg), Mamed Ibragımov (97 kg), Iýsýp Batyrmyrzaev (125 kg) syn­­dy balýandar el namysyn qor­­ǵaıdy.

Al grek-rım kúresinen ulttyq qurama jattyqtyrýshylary Aman­ǵalı Bekbolatov, Marlan Mu­qashev, Ishar Qurbaev (55 kg), Er­nar Fıdahmetov, Nursultan Bazarbaev, Dastan Zarlyhanov (60 kg), Mamyrbek Muhamedálı, Ma­dııar Maltekbaev (63 kg), Sul­tan Ásetuly, Dinmuhamed Qosh­qar, Mereı Bekenov (67 kg), Ibragım Magomadov, Erasyl Nurbosynov, Danııar Qalenov (72 kg), Qaharman Qısymetov, Demeý Jadyraev, Azat Sadyqov (77 kg), Qalen Dıas, Shamıl Ba­tyrov (82 kg), Baýyrjan Mýsın, Nursultan Tursynov, Maqsat Saılaý (87 kg), Oljas Syrlybaı, Erulan Ysqaqov, Islam Ýmaev (97 kg), Anton Savenko, Mansur Sha­dýkaev, Álimhan Syzdyqov (130 kg) sııaqty jas jáne táji­rıbeli balýandarǵa senim artyp otyr.

Jalpy, Ibrahım Mustafany eske túsirýge arnalǵan týrnırde bozkilem sheberleri baryn salyp, upaı qoryn barynsha mo­laıtýǵa tyrysady. О́ıtkeni My­syrdaǵy dodadan soń ár sal­maqtyń reıtınginde joǵary turǵan alǵashqy 4 balýan óz qur­­­lyǵyndaǵy (Azııa, Eýropa, Afrı­ka, Panamerıka men Tynyq mu­hıty aımaǵy) chempıonatqa joldama alady. Osy rette byl­tyrǵy álem chempıonatynyń 6 júl­degeri Aleksandrııadaǵy týr­nırdiń qatysýshylar tiziminde bar ekenin atap ótýge bolady.

Halyqaralyq kúres federasııasy (UWW) 2023 jylǵy 4 reıtıngtik týrnıriniń júl­degerlerine 390 000 shveısar fran­kin jumsamaq. Iаǵnı ár ja­rystyń altyn tuǵyrynan kórin­gen balýanǵa 1500 shveısar franki kóleminde qarjylaı syıaqy be­rilse, kúmis júldegerler – 750, qola júldegerler 500 frank syı­aqyǵa qol jetkizedi.

Budan bólek, UWW jyldyń úzdik balýanyna taǵy 150 000 shveısar frankin beredi. Syı­aqy 30 balýanǵa (kúrestiń úsh túrinen 10 salmaqta) barlyq halyqaralyq jarys aıaqtalǵan soń tabystalady. Úzdikter ere­­sekter arasyndaǵy álem chem­pıonaty, qurlyq chempıona­ty men 4 reıtıngtik týrnırde jı­naǵan upaıy boıynsha anyq­talady.

Byltyr áıelder kúresinen eki dúrkin Azııa chempıony, álem chempıonattarynyń eki márte kúmis júldegeri atanǵan Jámıla Baqbergenova Halyqaralyq kú­res federasııasy (UWW) bekit­ken barlyq salmaqtaǵy álem reı­­tınginde (72 kıloǵa deıingi sal­maqta) kósh bastap, jyldy óz salmaǵynyń kóshbasshysy re­tinde aıaqtady. Osy jetistiginiń ar­qasynda otandasymyz UWW tarapynan qarjylaı syıaqyǵa ıe bolǵan edi.